බුද්ධ ශාසනය සදහා කුල දරුවන් පූජා කළ දිළිඳු පවුල්වල සාමාජිකයන් හට රැකියා ලක්ෂයේ වැඩපිළිවෙළ යටතේ රැකියා ලබාදීමට ජනාධිපති ගෝඨාභය රාජපක්ෂ මහතා පියවර ගෙන තිබෙනවා.
ඇතැම් භික්ෂූන්වහන්සේලාට සිය මවුපියන් රැකබලා ගැනීමට සිදුව ඇති නිසාවෙන් ශාසනික මෙහෙවර ඉටුකිරීමට අපහසුවක් පවතින බැවින් ඒ පිළිබඳව සළකා බලා රැකියා ලක්ෂයේ ව්යාපෘතිය යටතේ එම පවුල්වල සාමාජිකයන් හට රැකියා ලබාදීමට අවධානය යොමු කරන්නැයි පූජ්ය ඉඳුරාගාරේ ධම්මරතන හිමියන් ඇතුළු හිමිවරුන් ජනාධිපතිවරයාගෙන් කළ ඉල්ලීමකට අනුව ජනාධිපතිවරයා මෙම තීරණය ගෙන තිබෙනවා.
පසුගියදා වව්නියාව – බෝගස්වැව මහා විද්යාල භූමියේ පැවති ‘ගම සමඟ පිළිසඳර’ වැඩසටහනට සහභාගී වෙමින් ජනාධිපතිවරයා මේ බව සඳහන් කළා.
බුද්ධශාසන අමාත්යාංශයේ ලේකම් මහාචාර්ය කපිල ගුණවර්ධන මහතා සඳහන් කළේ එකී දිළිඳු පවුල්වල එක් අයෙකුට හෝ අදාළ වැඩපිළිවෙළ යටතේ රැකියා ලබාදීමට අවශ්ය පියවර ගැනීම සඳහා මේ වන විටත් උපදෙස් ලබාදී ඇති බවයි.