පළාත් සභා මැතිවරණය මෙන්ම මැයි දින සැමරුම සම්බන්ධයෙන් සාකච්ඡා කිරීමට අගමැති මහින්ද රාජපක්ෂ මහතාගේ ප්රධානත්වයෙන් අරලියගහ මන්දිරයේ අද (19) පෙරවරුවේ පැවැති රැස්වීමෙන් ඇමතිවරු පිරිසක් පිටව ගොස් තිබේ.
වාසුදේව නානයක්කාර, විමල් වීරවංස, උදය ගම්මන්පිල යන අමාත්යරුන් මෙම රැස්වීමෙන් පිටව ගොස් ඇති බව දේශපාලන ආරංචි මාර්ග සදහන් කරයි.
පක්ෂ නායකයන්ට අමතරව වෙනත් කණ්ඩායම් නියෝජනය කරමින් පිරිසක් පැමිණ සිටීම නිසා ඔවුන් මෙලෙස පිටව ගොස් ඇතැයි වාර්තාවේ.
මේ අවස්ථාවේ අගමැති මහින්ද රාජපක්ෂ එහි සිට නැති අතර පසුව ඔහු පැමිණ අදාළ රැස්වීම පවත්වා තිබේ.
පක්ෂ නායකයන් සමග වෙනත් දිනයක යළි රැස්වීමක් පවත්වන බවද අගමැතිවරයා පවසා ඇතැයිද දේශපාලන ආරංචි මාර්ග සදහන් කරයි.