පුද්ගලයෙකුට පහරදීමේ චෝදනාවක් සම්බන්ධයෙන් දූෂණ විරෝධී බලකායේ මෙහෙයුම් අධ්යක්ෂ නාමල් කුමාර මහතා අද (20) වරකාපොල පොලීසිය විසින් අත්අඩංගුවට ගෙන තිබෙනවා.
පහරදීමේ චෝදනාවට අදාළ කරුණු විමර්ශනය කිරීම සඳහා නාමල් කුමාර මහතා පොලීසියට පැමිණි අවස්ථාවේදී ඔහු මෙලෙස අත්අඩංගුවට ගෙන ඇති බවයි වාර්තා වන්නේ.
හිටපු ජනාධිපති මෛත්රිපාල සිරිසේන මහතා හා ගෝඨාභය රාජපක්ෂ මහතා ඝාතනය කිරීම සඳහා කුමන්ත්රණයක් පවතින බවට තොරතුරු තමන් සතුව පවතින බවට නාමල් කුමාර මහතා හෙළි කිරීමත් සමඟ පසුගිය කාලයේ ඔහු පිළිබදව දැඩි කතාබහක් ඇතිවුණා.
ඔහු 2009 වසරේ ශ්රී ලංකා ගුවන් හමුදාවට බැදී පුහුණුව ලබන අතරතුර පළාගිය පුද්ගලයෙක් බවට මීට පෙර අපරාධ පරීක්ෂණ දෙපාර්තමේන්තුව කරුණු හෙළි කළා.
පසුව ඔහු නැවත වරක් 2011 වසරේදීද ශ්රී ලංකා යුද හමුදාවට බැදී එහි පුහුණුව ලබන අතරතුරද පළාගොස් තිබෙනවා.
එහෙන්ම ඔහු යුද හමුදාව බැදෙන අවස්ථාවේදී සාමාන්ය පෙළ විෂයන් දහයම සමත්ව ඇති බවට ඉදිරිපත් කරන ලද අධ්යාපන සහතිකයද ව්යාජ එකක් බවට හෙළිවුණා.
ඒ අනුව කල සොයා බැලීමේදී වාර්තා වුණේ නාමල් කුමාර මහතා විෂයන් 3 ක් පමණක් සමත්ව ඇති බවයි.