නිවාස සංවර්ධන අධීකාරියේ සභාපති රේණුක පෙරේරා මහතා ඉල්ලා අස්වී තිබෙනවා.
ඒ එම අධිකාරියේ රාජ්‍ය අමාත්‍යවරයා වන ඉන්දික අනුරුද්ධ මහතා විසින් දිගින් දිගටම සිදුකරන දූෂණ ක්‍රියා හේතුවෙන් බව ඔහුගේ ඉල්ලා අස්වීමේ ලිපියෙහි සඳහන් කර තිබෙනවා.
නිවාස සංවර්ධන අධිකාරියේ වැඩකටයුතුවලට දිගින් දිගටම රාජ්‍ය අමාත්‍යවරයා බාධා කරන බවට රේණුක පෙරේරා මහතා මීට පෙර අවස්ථා ගණනාවකදීම විෂය භාර අමාත්‍යවරයා වන අග්‍රාමාත්‍ය මහින්ද රාජපක්ෂ මහතාව දැනුවත් කල බවද ලිපියෙහි සදහන්.
කෙසේ වෙතත් රාජ්‍ය අමාත්‍යවරයාගේ බලපෑම මත වැඩබලන සාමාන්‍යාධිකාරී ධූරය සදහා දූෂණ ක්‍රියාවන්ට සම්බන්ද, විගණන පරීක්ෂණයක් මගින් වරදකරුවෙකු වූ පුද්ගලයෙකු පත්කිරීමට දිගින් දිගටම බලපෑම් කල බව රේණුක පෙරේරා මහතා සදහන් කරනවා.
රාජ්‍ය අමාත්‍යවරයා දූෂිත පුද්ගලයන්ව තනතුරුවල පිහිටුවීමට ගන්නා මෙම ක්‍රියාමාර්ගය පිළිබදව තමන් බලවත් ලෙස කණස්සල්ලට පත්වන බැවින් අධිකාරියේ සභාපති ධූරයෙන් ඉල්ලා අස්වන බව රේණුක පෙරේරා මහතා සදහන් කර තිබෙනවා.
