අද රාත්‍රී 8 සිට තවත් ප්‍රදේශ කිහිපයක් හුදෙකලා කිරීමට තීරණය කල බව යුද හමුදාපති ජෙනරාල් ශවේන්ද්‍ර සිල්වා මහතා පවසනවා.
ඒ අනුව ගම්පහ දිස්ත්‍රික්කයේ කොටදෙණියාව පොලිස් වසමට අයත් පොල්හේන, හීරළුගෙදර හා කළුඅග්ගල යන ග්‍රාම නිලධාරී වසම් සහ මිනුවන්ගොඩ පොලිස් වසමට අයත් අස්වෙන්නවත්ත නැගෙනහිර ග්‍රාම නිලධාරී වසම හුදෙකලා කිරීමට තීරණය කර තිබෙනවා.
එමෙන්ම කළුතර දිස්ත්‍රික්කයේ මීගහතැන්න පොලිස් වසමට අයත් මිරිස්වත්ත, පැලවත්ත උතුර හා පැලවත්ත නැගෙනහිර ග්‍රාම නිලධාරී වසමද අද රාත්‍රි 8 සිට හුදෙකලා කෙරෙනවා.
තවද ත්‍රීකුණාමලය දිස්ත්‍රික්කයේ ත්‍රිකුණාමලය පොලිස් වසමට අයත් බූම්බුහාර් ග්‍රාම නිලධාරී වසමද හුදෙකලා කෙරෙනු ඇති.
මේ අතර කොවිඩ් ආසාදිතයින් හමුවූ දඹුල්ල ආර්ථික මධ්‍යස්ථානයද අද රාත්‍රී 8 සිට හුදකලා කිරීමට නියමිතයි.
