රට ලොක්ඩවුන් කර සමාජයේ සිටින සියලුම කොවිඩ් ආසාදිතයින් සොයා පරීක්ෂණ සිදුකළ යුතු පසුබිමක් තිබියදීත් එසේ කරනු වෙනුවට දැනට දිස්ත්රික්ක මට්ටමින් කරගෙන යන අහඹු PCR පරීක්ෂණ වහාම නවත්වන්නැයි බලධාරීන් දන්වා ඇතැයි ශ්රී ලංකා මහජන පරීක්ෂකවරුන්ගේ සංගමයේ සභාපති උපුල් රෝහණ අද (29) මාධ්ය වෙත අදහස් දක්වමින් පවසා සිටියා.
ඔහු පවසන්නේ එය ඉතාම කණගාටුදායී තීරණයක් බවයි.
“අද දිනය වෙද්දී ලංකාව ඉතාම භයානක තැනකට තල්ලු වෙලා තියෙනවා. අවදානම් තත්ත්වය දවසින් දවස වැඩිවෙමින් එනවා. අපි බලාපොරොත්තුවෙනවා ඉදිරි දින කිහිපයේ මීටත් වැඩිවෙච්ච රෝගීන් සංඛ්යාවක් වාර්තාවෙයි කියලා. නමුත් කණගාටුදායි තත්ත්වය අද වෙද්දි ලංකාවෙ දිස්ත්රික්ක කිහිපයකට දැනුම් දීලා තියෙනවා අහඹු පීසීආර් පරීක්ෂණ වහාම අත්හිටුවන්න කියලා.
දැන් මේ පවතින තත්ත්වය හමුවේ පීසීආර් පරීක්ෂණ අත්හිටුවීම කියන එක තවත් මේ තත්වය තීව්ර කරන්න හේතුවෙන්න පුලුවන්. පීසීආර් පරීක්ෂණ සදහා අවශ්ය ද්රව්යවල හිගයක් හරි එහෙම ගැටලුවක් හරි තියනවා නම් සෞඛ්ය කාර්ය මණ්ඩල හා රටේ ජනතාව දැනුවත් කරන එකයි කළ යුත්තේ. එහෙම නැතුව පීසීආර් පරීක්ෂණ සංඛ්යාව අඩු කරලා රටේ රෝගීන් අඩුවෙනවා කියල ජනතාව තුළ යම් සහනදායි මතයක් ඇති කළොත් ඒක තවත් මේ රෝගය පැතිරීම සදහා ඉවහල් වෙන්න පුළුවන් කියන එක තමා අපට අවධාරණය කරන්න තියෙන්නේ.”