බ්රසීලයේ බැංකුවකට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට අමෙරිකානු ඩොලර් 3250 ක ණය මුදලක් ගැනීමට උත්සාහ කළ කාන්තාවක අත්අඩංගුවට ගැනීමට බ්රසීල පොලිසිය සමත් වී තිබෙනවා.
මෙලෙස අත්අඩංගුවට ගෙන ඇත්තේ, එරිකා ඩි සෝසා නම් 42 හැවිරිදි කාන්තාවක් බවයි විදෙස් මාධ්ය සදහන් කළේ.
ඇය බැංකුව රැගෙන විත් ඇත්තේ 68 හැවිරිදි පවුලෝ රොබෙර්ටෝ නම් පුද්ගලයෙකු බවත්, දෙදෙනා ඥාතීන් බව මූලික විමර්ශන වලදී හෙළි වූ බවත් බ්රසීල පොලිසිය ප්රකාශ කර තිබෙනවා.
ණය අත්සන් කිරීමට ඇය පෑන අල්ලාගෙන සිටීම නැවැත්වූ විට එම පුද්ගලයාගේ හිස පිටුපසට වැටීම හේතුවෙන් බැංකුවේ කාර්ය මණ්ඩලයට සැකයක් මතු වී ඇති බවයි විදෙස් මාධ්ය සඳහන් කරන්නේ.
ණය අයැදුම් කිරීමේ කවුන්ටරය වෙත පැමිණි එම කාන්තාව මිය ගිය පුද්ගලයාට පවසා ඇත්තේ, ණය ලබාගැනීමට සදහා ඔහු වෙනුවෙන් තමාට අත්සන කළ නොහැකි බවයි.
එම අවස්ථාවේදී බැංකුවේ කාර්ය මණ්ඩලයට ඇති වූ සැකයක් හේතුවෙන් හදිසි ඇමතුම් අංකයට දුරකතන ඇමතුමක් ලබා ඇති අතර, ඒ අනුව මෙම කාන්තාව අත්අඩංගුවට ගෙන තිබෙනවා.