පසුගිය දින කිහිපය තුල කොළඹ වරාය නගරයේ මහජන මංතීරුවට විශාල වශයෙන් ජනතාව එක් රැස්වීම හේතුවෙන් ඉහළ කොවිඩ් අවදානමක් මතුව ඇති බවට සෞඛ්ය අංශ අනතුරු අඟවනවා.
පසුගිය දින ජනතාව සඳහා විවෘත කල මහජන මං තීරුවට දීර්ඝ සතිඅන්ත නිවාඩුව හේතුවෙන් රැස්ව සිටි ජනතාව කිසිදු සෞඛ්යය පිළිවෙතක් අනුගමනය නොකළ බවයි ඔවුන් පෙන්වා දෙන්නේ.
නිල සංඛ්යා දත්ත වාර්තාවන්ට අනුව පසුගිය දින කිහිපය මුළුල්ලේ මෙම මං තීරුවට පුද්ගලයින් 89540 පැමිණ ඇති අතර මෙලෙස අඛණ්ඩව වරාය නගර මහජන මංතීරුවට දේශීය සංචාරකයින් පැමිණීම හේතුවෙන් අවස්ථා ගණනාවකදී එම මං තීරුවට ඇතුළු වන ගේට්ටු පවා වසා දැමීමට පොලිසියට සිදුවිය.
එමෙන්ම, එලෙස රැස්වූ ජනතාව ගැටුම්කාරී ලෙස හැසිරීම හේතුවෙන් දෙදෙනෙකු පොලිස් අත්අඩංගුවටද පත්විය.
කෙසේ වෙතත් මෙලෙස පැමිණි බොහෝ දෙනෙකු කෝවිඩ් 19 සෞඛ්යය මාර්ගෝපදේශ නොසලකා හරිමින් මුහුණු ආවරණ පවා නොමැතිව එම මහා ජනකාය සමග ගැවසෙන අයුරු දැක්වෙන ඡායාරූප බොහොමයක් සමාජ මාධ්ය ඔස්සේ සංසරණය වුණා.