අද (22) ශ්රී ලංකාවේ වාණිජ බැංකුවල එක්සත් ජනපද ඩොලරයට සාපේක්ෂව ශ්රී ලංකා රුපියල තවදුරටත් ඉහළ ගොස් තිබෙනවා.
ඒ අනුව, මහජන බැංකුවේ, එක්සත් ජනපද ඩොලරයේ ගැනුම් සහ විකුණුම් අනුපාත පිළිවෙළින් රුපියල් 306.22 සිට රුපියල් 305.48 ක් දක්වා සහ රුපියල් 316.89 සිට රු. 316.13 පහළ ගොස් තිබුණා.
කොමර්ෂල් බැංකුවේ එක්සත් ජනපද ඩොලරයක ගැනුම් අනුපාතිකය රුපියල් 305.76 සිට රුපියල් 305.01 ක් දක්වා පහළ ගොස් ඇති අතර අතර විකුණුම් අනුපාතය ද රුපියල් 315.75 සිට රුපියල් 315 ක් දක්වා අඩු වී තිබෙනවා.
මේ අතර, සම්පත් බැංකුවේ එක්සත් ජනපද ඩොලරයේ ගැනුම් අනුපාතය රුපියල් 307 සිට රුපියල් 306 දක්වාත් විකුණුම් අනුපාතය රුපියල් 316 සිට රුපියල් 315 දක්වාත් පහළ ගොස් තිබුණා.