බොරලැස්ගමුව ප්‍රදේශයේ ප්‍රසිද්ධ විහාරස්ථානයක දේවාලයක කපුවෙකු හෙරොයින් මත්ද්‍රව්‍ය සමඟ පොලිස් අත්අඩංගුවට ගෙන තිබෙනවා.
පොලීසිය සඳහන් කළේ අත්අඩංගුවට පත්වන අවස්ථාවේ සැකකරු සන්තකයේ තිබී හෙරොයින් මිලිග්‍රෑම් 150ක් තිබී සොයාගෙන ඇති බවයි.
මෙලෙස අත්අඩංගුවට පත්ව ඇත්තේ පිලියන්දල ප්‍රදේශයේ පදිංචි 37 හැවිරිදි පුද්ගලයෙක්.
පොලීසිය බොරලැස්ගමුව, වේරහැර, බෝධිරාජපුර වත්ත ප්‍රදේශයේ සිදුකළ හදිසි සෝදිසි මෙහෙයුමකදී හෙරොයින් මත්ද්‍රව්‍ය මිලදී ගෙන යතුරුපැදියකින් ගමන්කරමින් සිටි මෙම සැකකරු අත්අඩංගුවට ගෙන තිබෙනවා.
මුලික පොලිස් පරීක්ෂණවලින් අනාවරණය වී ඇත්තේ සැකකරු අදාළ විහාරස්ථානයේ සේවයේ නිරතව සිටියදී විටින් විට ගොස් මෙලෙස හෙරොයින් රැගෙන විත් විහාරස්ථානය තුළදී ඒවා භාවිතා කර ඇති බවයි.
අත්අඩංගුවට ගත් සැකකරු අද (01) නුගේගොඩ මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
සිද්ධිය සම්බන්ධයෙන් බොරලැස්ගමුව පොලීසිය විසින් වැඩිදුර පරීක්ෂණ සිදු කරනු ලබනවා.
