ඕස්ට්‍රේලියාවේදී ලිංගික අතවර චෝදනාවලට අදාළ නඩුවෙන් ධනුෂ්ක ගුණතිලක නිදොස් කොට නිදහස් කිරීමෙන් අනතුරුව ඔහුට ශ්‍රී ලංකා ක්‍රිකට් ආයතනය විසින් පනවා තිබූ තහනම ඉවත් කිරීම සම්බන්ධයෙන් සලකා බලන බව ක්‍රීඩා අමාත්‍ය රොෂාන් රණසිංහ මහතා ප්‍රකාශ කළා.
ධනුෂ්ක ගුණතිලකට එරෙහි නඩුව පසුගිය 18 වැනිදා සිට අඛණ්ඩව දින 4 ක කාලයක් සිඩ්නි නුවර පිහිටි ඩර්නිං සෙන්ටර් අධිකරණයේදී විභාගයට ගනු ලැබුවා.
එහිදි ධනිෂ්ක වෙනුවෙන් පෙනී සිටි නීතිඥවරයා කරුණු දක්වමින් සදහන් කළේ තම සේවාදායකයා කිසිදු අයුරකින් අනාරක්ෂිත ලෙස ලිංගික කටයුතුවල නිරත නොවු බවයි.
අවසානයේ මෙම නඩුවේ තීන්දුව ප්‍රකාශයට පත් කරමින් සාරා හගේට් විනිසුරුවරිය ධනිෂ්ක ගුණතිලකට එල්ල වූ සියලු චෝදනාවලින් නිදොස් කොට නිදහස් කිරීමට පියවර ගෙන තිබෙනවා.
