යාපනය, චලෛයි ප්රදේශයට ඔබ්බෙන් වූ මුහුදු ප්රදේශයේ නීති විරෝධී ධීවර කටයුතුවල නියැලුණු පුද්ගලයින් 09 දෙනෙකු නාවික හමුදාව විසින් අත්අඩංගුවට ගෙන තිබෙනවා.
ශ්රී ලංකා නාවික හමුදාව විසින් 2024 අප්රේල් මස 24 වන දින අළුයම සිදුකල සෝදිසි මෙහෙයුමක් මඟින් මෙම පිරිස අත්අඩංගුවට ගෙන තිබුණා.
මෙහිදී නීති විරෝධී ලෙස තහනම් දැල් භාවිතයෙන් ධීවර කටයුතු සිදු කළ සහ නීති විරෝධී ලෙස විදුලි ආලෝක ධාරා භාවිතයෙන් ධීවර කටයුතු සිදුකල පුද්ගලයින් නව දෙනෙකු (09) සමඟ ඩිංගි යාත්රා හතරක් (04), තහනම් දැල් සහ නීති විරෝධී ධීවර ආම්පන්න නාවික හමුදා භාරයට ගැනීමට කටයුතු කර තිබෙනවා.
ශ්රී ලංකාවට අයත් මුහුද සහ වෙරළ කලාපය ඔස්සේ සිදුකෙරෙන නීති විරෝධී ධීවර කටයුතු මැඩපවත්වා, නීත්යානුකූල ධීවර කටයුතු ප්රවර්ධනය කිරීම වෙනුවෙන් නාවික හමුදාව නිරන්තර අවධානයෙන් සිටිමින් මෙහෙයුම් ක්රියාත්මක කරනු ලබනවා.
ඒ අනුව, මෙම මෙහෙයුම මඟින් නාවික හමුදා භාරයට ගත් සැකකරුවන් අවුරුදු 16 ත් 56 ත් අතර වයසේ පසුවන පේදුරුතුඩුව, ඔඩ්ඩුසුඩාන්, පුදුකුඩුඉරිප්පු, මුලතිව් සහ මීගමුව යන ප්රදේශයන්හි පදිංචිකරුවන් බවට හඳුනා ගෙන තිබෙනවා.
නාවික හමුදා භාරයට ගත් සැකකරුවන් නව දෙනා (09), ඩිංගි යාත්රා හතර (04), තහනම් දැල් සහ නීති විරෝධී ධීවර ආම්පන්න ඉදිරි නීතීමය කටයුතු සඳහා යාපනය ධීවර හා ජලජ සම්පත් දෙපාර්තමේන්තු කාර්යාලය වෙත භාර දීමට කටයුතු කර ඇති බවද තවදුරටත් වාර්තා වෙනවා.