මෙරට සෞඛ්ය පද්ධතියට අවශ්ය සහය ලබා ගැනීම සඳහා ඒකාබද්ධ ගිණුමක් ආරම්භ කර ඇතැයි සෞඛ්ය අමාත්ය කෙහෙළිය රඹුක්වැල්ල පවසනවා.
එම ගිණුම හරහා සෞඛ්ය පද්ධතියට කෙරෙන පරිත්යාග ලබාගැනීමට නියමිත බවත් ලෝක සෞඛ්ය සංවිධානය හා එක්ව එම ගිණුම ආරම්භ කර ඇති බවත් අමාත්යවරයා පවසනවා.
මේ වනවිට රට තීරණාත්මක පරිච්ඡේදයට මුහුණදී ඇති බවයි ඔහු පෙන්වා දෙන්නේ
එම තත්ත්වය තුළ ලොව පුරා රාජ්යයන් හා ජාත්යන්තර සංවිධානවල සහය අත්යවශ්ය බවත් මෙවැනි අවස්ථාවක සෞඛ්ය අමාත්යාංශය ලෙස රටෙහි සෞඛ්ය පද්ධතියට අවශ්ය සහයෝගය වෙනුවෙන් පරිත්යාග ලබාගැනීම සඳහා කටයුතු කරන බවත් අමාත්යවරයා පවසනවා.
රටෙහි සෞඛ්ය පද්ධතියට පරිත්යාග ඔස්සේ සියලු අවශ්යතාවන් සම්පුර්ණ කළ නොහැකි වුවද එම අවශ්යතාවයන් සම්පුර්ණ කිරීම වෙනුවෙන් උපරිම උත්සාහයක යෙදෙන බවයි කෙහෙළිය රඹුක්වැල්ල පවසන්නෙ .