ශ්රි ලංකාවට කිළෝමීටර් 900ත් 1000ත් අතර දුර ප්රමාණයකින් නව භූ තල මායිමක් නිර්මාණය වීමේ අවදානමක් මතුව ඇති බව භු විද්යා හා පතල් කැණීම් කාර්යාංශයේ අධ්යක්ෂ ජනරාල් එම්.එම්.ජේ.ඒ අජිත්ප්රේම මහතා පවසනවා.
අද (26)කොළඹ දී කැඳවා තිබූ මාධ්ය හමුවකට එක්වෙමින් ඒ මහතා මෙම අදහස් පළ කළා.
ඔහු සදහන් කළේ මෙම අවදානම හේතුවෙන් මෙරට තුළ භූ කම්පන සිදුවීමේ ප්රවණතාවක් මතුව ඇති බවයි.
මෙම වසරේ මාස 4ක් වැනි කෙටි කාලයක් තුළ මෙරට ආශ්රිතව භු චලන 09ක් මෙරටින් වාර්තා වූ පළමු අවස්ථාව මෙය බවත් ඉන් භූ චලන බහුතරයක් රට අභ්යන්තරයේ සිදුව ඇති අතර සෙසු භූ චලන මෙරට මුහුදු තීරයේ දි සිදුව තිබෙන බව භු විද්යා හා පතල් කැණීම් කාර්යාංශය සඳහන් කළා.