නව කැලණි පාලමේ ඇණ මුරිච්චි ගලවාගෙන යන මත්ද්රව්ය වලට ඇබ්බැහි වූවන්ගෙන් බේරාගැනීම සඳහා එය අධි ආරක්ෂිත කලාපයක් ලෙස නම් කිරීමට පාර්ලිමේන්තුවේදී යෝජනාවක් පැමිණ තිබෙනවා.
මීට අමතරව මෙම ප්රදේශයට පොලිස්, හමුදා මුර සංචාර හා පොලිස් මුරපොළක් යෙදවීමටත් තීරණය වී තිබෙන බව සඳහන්.
මත්ද්රව්ය වලට ඇබ්බැහි වූවන් නව කැලණි පාලමේ යටින් රිංගා දිගින් දිගටම ඇණ ගලවන බවට මාර්ග සංවර්ධන අධිකාරියේ නිලධාරින් පෙරේදා (21) පෙන්වා දී තිබෙනවා.
මෙමගින් නව කැලණි පාලම අනතුරුදායක තත්ත්වයකට පත්විය හැකි බව එම නිලධාරීන් පෙන්වා දි තිබෙනවා.
පාර්ලිමේන්තු මන්ත්රි රියර් අද්මිරාල් සරත් වීරසේකර මහතාගේ සභාපතිත්වයෙන් ජාතික ආරක්ෂාව පිළිබඳ ආංශික සභාව පාර්ලිමේන්තුවේදී රැස්වූ මොහොතේදී මේ බව අනාවරණය වී තිබෙන බව සඳහන්.
මීට අමතරව මෙම පිරිස් කටුනායක අධිවේගී මාර්ගයේත් තඹ කම්බි, ඇණ මුරිච්චි හා විදුලි රැහැන් කපාගෙන යන බවත් මේ වන විට රුපියල් මිලියන 286ක් වටිනා තඹ කම්බි කපාගෙන ගොස් ඇති බව මාර්ග සංවර්ධන අධිකාරියේ නිලධාරීන් මෙහිදී පෙන්වා දී තිබෙනවා.