පාසල් ළමුන් ඉලක්ක කර කංසා අළෙවි කළ පුද්ගලයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ රත්මලාන ප්‍රදේශයේ පදිංචි වයස අවුරුදු 47ක පුද්ගලයෙකි.
සැකකරු යතුරුපැදියකින් ගමන් කරමින් පාසල් ළමුන් වෙත ගංජා අලෙවි කරන බවට ලද තොරතුරකට අනුව පොලිස් විශේෂ කාර්ය බලකාය විසින් සිදුකළ වැටලීමකදී තලවතුගොඩ සාලින්ද දිසානායක මාවතේදී සැකකරු අත්අඩංගුවට පත්ව තිබෙනවා.
එහිදී සැකකරු සන්තකයේ තිබී කේරළ ගංජා ග්‍රෑම්122යි මිලිගෑම් 710 ක් සහ විද්‍යුත් තරාදියක් සමඟ මුදලින් රුපියල් 13,500ක්ද සොයාගෙන තිබේ.
වැඩිදුර විමර්ශන සිදුකිරීම සඳහා සැකකරු තලංගම පොලීසියට භාරදී ඇත.
