බන්ධනාගාර ගතව සිර දඩුවම් විදින සැකකරුවකු මහ මගදී මාලයක් කඩා ගැනීමේ චෝදනාවක් සම්බන්ධ තවත් නඩුවකට අද (23) දෙයියන්දර මහේස්ත්රාත් අධිකරණයට ඉදිරිපත් කර සිරමැදිරියට දැමීමෙන් පසුව පලාගොස් තිබෙන බව දෙයියන්දර පොලිසිය පවසනවා.
සැකකරුට විරුද්ධව පැවැති නඩුව අවසන්වී මහේස්ත්රාත් අධිකරණයේ වැඩකටයුතුද අවසන්වූ පසුව බන්ධනාගාර නිලධාරීන්ගේ අධීක්ෂණය යටතේ සැකකරු සිරමැදිරියට දමා තිබෙනවා.
නමුත් සැකකරු කෙසේ හෝ සිරමැදිරියෙන් පලාගොස් ඇති බව පොලිසිය සඳහන් කරනවා.
සැකකරු අත්අඩංගුවට ගැනිමට බන්ධනාගාර නිලධාරීන් හා දෙයියන්දර පොලිසිය පරික්ෂණ පවත්වන බව සඳහන්.