මධ්‍යම ලන්ඩනයේ පලස්තීන හිතවාදී විරෝධතා පා ගමනක් සංවිධාන කර තිබෙනවා.
විදෙස් මාධ්‍යය වාර්තා කළේ, පලස්තීන සහයෝගිතා ව්‍යාපාරය විරෝධතා පා ගමන සංවිධාන කර ඇති අතර, ඊට දහස් සංඛ්‍යාත පිරිසක් එක්ව සිට ඇති බවයි.
විරෝධතාකරුවන් පවසන්නේ, ඊශ්‍රායල – හමාස් යුද්ධයට කඩිනම් සටන් විරාමයක් අවශ්‍ය බවයි.
ඔක්තෝබර් මාසයේ පැවති විරෝධතාවකින් පසු බටහිර ලන්ඩනයේ ඊශ්‍රායල තානාපති කාර්යාලය අසලට ගිය පළමු විරෝධතාව මෙය බව විදෙස් මාධ්‍යය වාර්තා කර තිබෙනවා.
විරෝධතාව පාලනය කිරීම සඳහා පොලිස් නිලධාරින් 1,500ක් පමණ යොදවා තිබූ අතර, විරෝධතාව අතරතුර පුද්ගලයන් 20කට වැඩි පිරිසක් අත්අඩංගුවට ගෙන තිබෙනවා.
