75 වන නිදහස් උත්සවය වෙනුවෙන් හෙට (04) දිනයේ ගාලු මුවදොර පැවැත්වෙන උත්සවය සඳහා පැමිණෙන මාධ්යවේදීන් හට නිශ්චිත ඇදුමක් රජයේ ප්රවෘත්ති දෙපාර්තමේන්තුව විසින් නියම කර තිබෙනවා.
ඒ අනුව නිදහස් උත්සවය ආවරණය කිරීම සඳහා පැමිණෙන සියලුම මාධ්යවේදීන් අත් දිග සුදු පැහැති කමිසයක් හැඳ පැමිණිය යුතු වනවා.
එම කමිසය සඳහා රජයේ ප්රවෘත්ති දෙපාර්තමේන්තුව විසින් ටයි පටියක් ලබාදෙන අතර එය පැළඳීම අනිවාර්ය කර තිබෙනවා.
වියදම් අවම කරමින් නිදහස් උත්සවය පවත්වන බවට ජනාධිපතිවරයා අවස්ථා කිහිපයකදීම පවසා තිබුනද මෙවැනි අනවශ්ය වියදම් කරමින් විහිළු සපයන බව News19 සිදුකළ විමසීමකදී මාධ්යවේදීන් කිහිප දෙනෙක්ම පවසා සිටියා.
එමෙන්ම අදාළ තීරණය නිසාවෙන් නිදහස් උත්සවය ආවරණය කිරීමට පැමිණෙන විදෙස් මාධ්යවේදීන්ද දැඩි අපහසුතාවයට පත්ව තිබෙනවා.
මන්ද ඔවුන්ගේ වෘත්තීය මාධ්ය ආචාර ධර්ම පද්ධතියට අනුව ආණ්ඩුව විසින් ලබාදෙන කිසිදු දීමනාවක් හෝ වරප්රසාදයක් ලබාගැනීමට ඔවුන්ට අදාළ මාධ්ය ආයතනවලින් අවස්ථාව හිමිවන්නේ නැහැ.
මෙම ටයි තීරණය නිසාවෙන් මාධ්යවේදීන් රැසක් අපහසුතාවයට පත්ව ඇති අතර බොහෝ දෙනා එම තීරණයට විරෝධයද පලකර තිබෙනවා.