සියලුම විශ්වවිද්යාල අනධ්යන කාර්ය මණ්ඩලය අද (02) දහවල් 12.00 සිට අඛණ්ඩ වෘත්තීය ක්රියාමාර්ගයකට අවතීරණ වීමට තීරණය කල බව විශ්වවිද්යාල වෘත්තීය සමිති ඒකාබද්ධ කමිටුව පවසනවා.
ඒ අනධ්යයන සේවකයින්ගේ වැටුප 15% කින් කප්පාදු කිරීමත්, අනධ්යයන සේවකයින්ගේ මාසික හිලව් දීමනාව වැඩි නොකිරීමටත් විරෝධය පළ කරමින්.
විශ්වවිද්යාල වෘත්තීය සමිති ඒකාබද්ධ කමිටුවේ සම සභාපති ධම්මික එස් ප්රියන්ත මහතා පැවසුවේ, මෙම ගැටලුව නිරාකරණය කරන තෙක් මෙම වෘත්තීය ක්රියාමාර්ගය දියත් කරන බවයි.
මීට අමතරව වැටුප් ගැටලුව ඇතුළු ඉල්ලීම් කිහිපයක් මුල් කරගනිමින් අද (02) සහ හෙට (03) යන දෙදින තුළ අසනීප නිවාඩු වාර්තා කිරිමේ වෘත්තීය සමිති ක්රියාමාර්ගයක නිරත වන බව රජයේ විධායක නිලධාරීන්ගේ ඒකාබද්ධ කමිටුව පවසනවා.
ඊට සමගාමීව අද දිනයේ කොළඹ දී උද්ඝෝෂණ ව්යාපාරයක් ද පැවැත්වෙන බව එම සංගමයේ සභාපති කේ.එල්.උදයසිරි මහතා පැවසුවා.