වයස අවුරුදු 18 ට වැඩි 30ට අඩු පිරිස් සඳහා කොවිඩ් වෛරසයට එරෙහි එන්නත්කරණය අද (02) සිට දිස්ත්රික් මට්ටමින් ඇරඹූ බව සෞඛ්ය අමාත්ය කෙහෙලිය රඹුක්වැල්ල මහතා පවසනවා.
ඒ රාජ්ය සේවා එක්සත් හෙද සංගමය සමඟ සෞඛ්ය අමාත්යාංශයේදී අද (02) පැවති සාකච්ඡාවකදීයි.
මෙරට තුල වයස18-30 අතර ලක්ෂ 37 කට අධික පිරිසක් සිටින බවත් මේ පිරිසට කඩිනමින් එන්නත ලබාදී අවසන් කරන ලෙසට සෞඛ්ය අංශ ප්රධානීන්ට උපදෙස් ලබා දුන් බව සෞඛ්ය අමාත්යවරයා පවසනවා.
කොවිඩ් මර්දන ක්රියාවලියේ ඉදිරිපෙළ ක්රියාකාරීන් යටතට ගැනෙන මෙම වයස් කාණ්ඩයට අයත් පිරිස් සඳහා දැනටමත් එන්නත්කරණය සිදුකොට ඇති බවත් මීට අමතරව අත්යවශ්ය අංශයන්හි එම වයස් කාණ්ඩයේ යම් පිරිසක්ද එන්නත්කරණයට ලක් කර ඇති බවත් ඔහු පෙන්වා දෙනවා.
රාජ්ය සේවා එක්සත් හෙද සංගමය සමඟ සෞඛ්ය අමාත්යාංශයේදී අද පැවති සාකච්ඡාව සඳහා එම සංගමයේ සභාපති පූජ්ය මුරුත්තෙට්ටුවේ ආනන්ද හිමියන් ඇතුළු එහි සාමාජික සාමාජිකාවන් පිරිසක් මේ සඳහා එක් වූ අතර කරුණු 18 කින් සමන්විත ලිපියක්ද රාජ්ය සේවා එක්සත් හෙද සංගමය මගින් අමාත්යවරයා වෙත මෙහිදී භාර දෙනු ලැබීය.
එළැඹෙන සති කිහිපය තුලදී වයස අවුරුදු 30 ඉක්මවූ සියලු පිරිස් පූර්ණ එන්නත්කරණයට ලක් කිරීමට හැකිවනු ඇති බවත් ඔක්තෝබර් මස අවසානයට පෙර අවුරුදු 18 ඉක්මවූවන් එන්නත්කරණය අවසන් කිරීමට හැකි වනු ඇති බවත් අමාත්යවරයා පවසා සිටියා.
එබැවින්, ලැබෙන එන්නත හොඳම එන්නත යයි සිතා කඩිනමින් ලබා ගන්නා ලෙස සෞඛ්ය ඇමැතිවරයා සියලු ජනතාවගෙන් ඉල්ලීමක් කරනවා.