මෙරට සිටින ළමා හෘද රෝග විශේෂඥ වෛද්‍යවරුන් 11 දෙනාගෙන් 6 දෙනෙක්ම මේ වන විට විදේශගත වී ඇති බවට වාර්තා වෙනවා.
මෙරට සිටිය යුතු ළමා හෘද රෝග විශේෂඥ වෛද්‍යවරුන්ගේ සම්මත සංඛ්‍යාව 20ක්.
එහෙත් සේවයේ යෙදී තිබුණේ 11 දෙනෙක් බවත් එයින්ද 6 දෙනෙක් විදේශගතව ඇති නිසා ළමා හෘද රෝග විශේෂඥ වෛද්‍ය සේවය අර්බුදයට ගොස් ඇති බව පැවසෙනවා.
ඒ අනුව නියමිත වෛද්‍යවරුන්ගෙන් හතරෙන් එකක් පමණක් දැනට රට සතුව සිටින බව හෙළි වනවා.
දැනට, ළමුන් සඳහා වන රිජ්වේ ආර්යා රෝහල (LRH), සිරිමාවෝ බණ්ඩාරනායක විශේෂිත ළමා රෝහල, යාපනය ශික්ෂණ රෝහල සහ කුරුණෑගල ශික්ෂණ රෝහල යන රෝහල්වල මෙම වෛද්‍යවරුවන් සේවය කරන බවයි සඳහන් වන්නේ.
රිජ්වේ ආර්යා ළමා රෝහලේ සේවය කළ ළමා හෘද රෝග විශේෂඥ වෛද්‍යවරුන් සිව් දෙනාගෙන් දෙදෙනෙකුද මේ වන විට විදේශගත වී තිබෙනවා.
මේ වෛද්‍ය හිඟය නිසා රිජ්වේ ආර්යා ළමා රෝහලට ප්‍රතිකාර සඳහා එවන දරුවන්ගේ වැඩිවීමක් දක්නට ලැබෙන බව සඳහන්.
