25 C
Colombo
Wednesday, June 19, 2024
spot_img

ඇෆ්ගනිස්ථානයේ හමීඩ් කර්සායි ගුවන්තොටුපල අසල පිපිරීමක්

- Advertisement -

ඇෆ්ගනිස්තානයේ කාබුල් අගනුවර ගුවන් තොටුපොළට ඇතුළු වන ගේට්ටුවක් ආසන්නයේ දැවැන්ත පිපිරීමක් සිදුව ඇතැයි විදෙස් මාධ්‍ය වාර්තා කරයි.

කාබුල් අගනුවර හමීඩ් කර්සායි ගුවන් තොටුපොළට ඇතුළු වන ගේට්ටුවක් ආසන්නයේ මෙම පිපිරීම සිදුව තිබෙන අතර මෙම පිපිරීම මරාගෙන මැරුණු බෝම්බ ප්‍රහාරයක් යැයි ද එම වාර්තාවල දැක්වේ.

ඇෆ්ගනිස්තානයේ ක්‍රියාත්මක අයි.එස්. සංවිධානය මෙම ප්‍රහාරය සිදු කර ඇතැයි ද දැනට වාර්තා වේ.

කෙසේ නමුත් මෙතෙක් කිසිවකුත් ප්‍රහාරයේ වගකීම බාරගෙන නොමැති අතර ප්‍රහාරයෙන් කවුරුන් හෝ තුවාල හෝ මියගොස් ඇතැයි ද යන්න ද මෙතෙක් වාර්තා නොවේ.

මෙම ප්‍රහාරය සම්බන්ධයෙන් ඇමෙරිකානු ජනාධිපති ජෝ බයිඩන් දැනුවත් කර ඇතැයි මේ සම්බන්ධයෙන් අදහස් දක්වමින් ධවල මන්දිරයේ නිලධාරියෙක් කීය.

මෙම ප්‍රහාරය සම්බන්ධයෙන් මුලින්ම තොරතුරු වාර්තා වන අවස්ථාවේ දී ඇමෙරිකානු ජනාධිපතිවරයා සිය ආරක්ෂක නිලධාරීන් සමඟ ඇෆ්ගනිස්තානයේ තත්ත්වය සම්බන්ධයෙන් සාකච්ඡා කරමින් සිටි බව ද ආරංචි මාර්ග සඳහන් කරයි.

ඇමෙරිකාව ඇතුළු බටහිර රටවල් සිය පුරවැසියන්, රාජ්‍ය තාන්ත්‍රිකයන් මෙන්ම ඔවුන්ට සහාය දැක්වූ ඇෆ්ගන් වැසියන් මුදාගනිමින් සිටින මොහොතක මෙම ප්‍රහාරය එල්ල විය.

මෙලෙස ප්‍රහාරයක් එල්ල විය හැකි යැයි ඇමෙරිකානු, බ්‍රිතාන්‍ය සහ ඔස්ට්‍රේලියානු ඇතුළු බටහිර රටවල් කිහිපයක බුද්ධි අංශ බදාදා දිනයේ දී අනතුරු අඟවා තිබිණි.

ඒ අනුව ගුවන් තොටුපොළට පැමිණීමෙන් හෝ ගුවන් තොටුපොළ ආසන්නයේ සිටීමෙන් වළකින්නැයි එම රටවල් සිය වැසියන්ට සහ ඇෆ්ගන් වැසියන්ට අනතුරු ඇඟවීය.

“කාබුල් ගුවන් තොටුපොළ පිටත දැවැන්ත පිපිරීමක් සිදු වී ඇති බව අපට තහවුරු කරන්න පුළුවන්. තුවාල ලැබූවන් හෝ ඒ කිසිවකු ගැන තවමත් තහවුරු කරන්න බැහැ. අපට පුළුවන් වූ වහාම අපි තොරතුරු ලබාදෙනවා” යැයි පෙන්ටගනයේ ප්‍රකාශක ජෝන් කර්බි පැවැසීය.


RECENT ARTICLES - SINHALA

කෙහෙළි​ය මාස හතරකින් ගෙවල් කුලී ගෙවලා නැ​හැ

මධ්‍යම පළාත් සභාව සතු නිවසක තාවකාලිකව පදිංචි වී සිටින හිටපු අමාත්‍ය කෙහෙළිය රඹුක්වැල්ල මහතාගෙන් එම නිවස සඳහා අයවිය යුතු මුදල් මන්ත්‍රී පඩියෙන් කපා ගැනීමට...

තැපැල් ස්ථානාධිපතිට වටකරගෙන ගහ​ලා

පානදුර තැපැල් ස්ථානාධිපතිවරයාට පහරදීමේ සිද්ධියක්  සම්බන්ධයෙන් එම තැපැල් කාර්යාලයේ සේවකයින් පස්දෙනෙකු අද (19) අත්අඩංගුවට ගත් බව පානදුර දකුණ පොලීසිය පවසනවා. තැපැල් ස්ථානාධිපතිවරයා සහ පහරදීමට...

රටේ බෙදීම නිසා තමයි පාස්කු ප්‍රහාරය වුණේ – අනුර

ජාතිවාදය වෙනුවට ජාතික සමගියේ නව දේශපාලනයක් ශ්‍රී ලංකාවේ ස්ථාපිත කරන බව ජාතික ජන බලවේගයේ නායක අනුර කුමාර දිසානායක මහ​තා පවසනවා. 1947 වර්ශයේ නිදහස ලබාගත් ඉන්දියාව,...

POPULAR ARTICLES

වනිඳුගෙන් දැඩි තීරණයක්

ශ්‍රී ලංකා විස්සයි විස්ස ක්‍රිකට් කණ්ඩායමේ නායක වනිඳු හසරංග සිය ධුරයෙන් ඉල්ලා අස්වීමට තීරණය කර ඇති බව ශ්‍රී ලංකා ක්‍රිකට් අභ්‍යන්තර ආරංචි මාර්ග පවසනවා. ඒ...

ගුරුවරුන්ට අධ්‍යාපන ඇමතිගෙන් පණිවිඩයක්

සියලු‍ පාසල් ඩිජිටල්කරණය කර එකම ජාලයකට ගතහොත් සමස්ත විෂය පාඩම් එක තැනක සිට දරුවන්ට ඉගැන්විය හැකි වනු ඇති බව අධ්‍යාපන අමාත්‍ය ආචාර්ය සුසිල් ප්‍රේමජයන්ත...

ශ්‍රී ලංකා කණ්ඩායම ගුවන්තොටුපලේ ගෙවන පර්යන්තයෙන් එළියට ඇවිත්

20යි 20 ලෝක කුසලාන තරගාවලියට සහභාගී වූ ශ්‍රී ලංකා ක්‍රිකට් කණ්ඩායම අද (19) උදෑසන මෙරටට පැමිණියා. එහිදී මාධ්‍ය අමතමින් ශ්‍රී ලංකා T20 ක්‍රිකට්...