මැලේසියාවේ හිටපු අගමැති මහතීර් මොහොමඩ් ට එරෙහිව පරීක්ෂණයක් පැවැත්වෙන බව එරට දුෂණ විරෝධී කොමිසම පවසනවා.
ඔහුගේ පුත්රයින් වන මිර්සාන් සහ මොක්සානිට එරෙහිව දුෂණ චෝදනා එල්ලවී ඇති අතර ඒ හේතුවෙන් හිටපු අගමැතිවරයා සම්බන්ධයෙන් ද පරීක්ෂණය පවත්වන බව එම කොමිසම වැඩිදුරටත් සඳහන් කර තිබෙනවා.
මැලේසියාවේ දුෂණ සහ වංචා සම්බන්ධයෙන් චෝදනා එල්ලවී ඇති ප්රමුඛ දේශපාලකයින් ට එරෙහිව දැඩි පියවරගැනීමට එරට වත්මන් බලධාරීන් කටයුතු කරනවා.
විශේෂයෙන්ම 98 හැවිරිදි හිටපු අගමැති මහතීර් මොහොමඩ්ගේ සමීපතමයින් සම්බන්ධයෙන් කෙරෙන පරීක්ෂණ මෙලෙස දැඩිකර තිබෙනවා.
ඔහු වර්තමාන අගමැති ඉබ්රහිම් අන්වර් ගේ ප්රධානතම දේශපාලන ප්රතිවාදියා වෙනවා.
කෙසේවෙතත්, මෙම පරීක්ෂණ දේශපාලන විරුද්ධවාදීන්ව ඉලක්ක කර සිදු නොකරන අතර එය රජය මගින් ගෙනයන මහා පරිමාණ දුෂණ වැළැක්වීමේ උත්සාහයක් බව ඉබ්රහිම් අන්වර් පවසා තිබෙනවා.