චීනයේ හවුල්කාරීත්වය යටතේ පවතින හම්බන්තොට ජාත්‍යන්තර වරාය සමූහය හරහා ඉන්ධන ආනයනය කර එය ආසන්න ස්ථානයක ගබඩා කර තැබීමට ශ්‍රී ලංකා ලංකා ඛනිජ තෙල් නීතිගත සංස්ථාව ගිවිසුමක් අත්සන් කර තිබේ.
ඒ සඳහා අවශ්‍ය නළ මාර්ගය ඉදිකිරීම හා ක්‍රියාත්මක කිරීම සඳහා වරාය තුළ අවශ්‍ය ඉඩම් ප්‍රමාණය ලබා ගැනීම සඳහා හම්බන්තොට ජ්‍යාත්‍යන්තර වරාය සමූහය, ශ්‍රී ලංකා වරාය අධිකාරිය සමඟ එක් වී කටයුතු කිරීමට නියමිතය.
දකුණු ආසියාවේ බලශක්ති කේන්ද්‍රස්ථානයක් බවට පත්වීම සඳහා හම්බන්තොට ජාත්‍යන්තර වරාය සංවර්ධනය කිරීමේ දැක්ම අනුව යමින් මෙම වැඩපිවෙළ ක්‍රියාත්මක කරන බව හම්බන්තොට ජ්‍යාත්‍යන්තර වරාය සමූහයේ ප්‍රධාන විධායක නිලධාරී ජොන්සන් ලියු මහතා සඳහන් කර තිබේ.
හම්බන්තොට ජ්‍යාත්‍යන්තර වරාය සමූහය විසින් එම ඉලක්කය සාක්ෂාත් කර ගැනීම සඳහා යටිතල පහසුකම් සකස් කර ඇති අතර මෙම ක්‍රියාවලියේ සාර්ථකත්වය සඳහා සියලුම අංශවල සහයෝගය අවශ්‍ය බව ද හම්බන්තොට ජ්‍යාත්‍යන්තර වරාය සමුහය පවසා ඇත.
මෙම ක්‍රියාවලිය මඟින් ඛනිජ තෙල් නීතිගත සංස්ථාවේ ගබඩා කිරීමේ හැකියාව අපේක්ෂිත ධාරිතාවය ඉහළ දමනු ඇතැයි සඳහන් වේ.
