මැද මහනුවර ඉන්ධන පිරවුම්හල අසලදී පුපුරන ද්‍රව්‍ය තොගයක් ප්‍රවාහනය කරමින් තිබූ කුඩා ලොරි රථයක් පොලීසිය විසින් අත්අඩංගුවට ගෙන තිබෙනවා.
පොලීසිය සඳහන් කළේ අද (26) 2.30ට පමණ කළ හදිසි පරික්ෂාවකදී මෙම පුපුරණ ද්‍රව්‍ය තොගය සොයා ගත් බවයි.
අදාළ ලොරි රථයේ තිබී ඩෙටනේටර් 05 ක්, අඩි 18 ක දිගකින් යුත් සේවා නූල් 05 ක්, කළු වෙඩි බෙහෙත් ග්රෑම් 450 ක්, ඇමෝනියා ග්රෑම් 335 ක්,ඩයිනා කරල් 03 ක්,ගිලට් මැෂින් 01 ක් හා චේන් බ්ලොක් එකක් සොයාගෙන තිබෙනවා.
ලොරි රථයේ රියදුරු මේ වන විට පොලිස් අත්අඩංගුවට ගෙන ඇති බවයි වාර්තා වන්නේ.
දිගන අලුත්වත්ත ප්‍රදේශයේ පදිංචි අයෙක් මෙලෙස අත්අඩංගුවට ගෙන තිබෙනවා.
සිද්ධිය සම්බන්ධයෙන් උඩුදුම්බර පොලීසිය වැඩිදුර පරීක්ෂණ පවත්වනු ලබනවා.
