කොවිඩ් 19 වෛරසය ආසාදිතව ප්රතිකාර ලබමින් සිටි ගර්භණී කාන්තාවක් කරාපිටිය රෝහලේ දී ඊයේ (09) ජීවිතක්ෂයට පත්ව තිබෙනවා.
මෙලෙස මියගොස් ඇත්තේ අකුරැස්ස විල්පිට ප්රදේශයේ පදිංචි 44 හැවිරිදි කාන්තාවක්.
මෙම කාන්තාව නල දරු ක්රමය මගින් ගැබ් ගැනිමේ ප්රීතිය නිමිත්තෙන් අලුත් අවුරුදු දිනයේ ඇයගේ නිවසේ සාදයක් පවත්තා ඇති අතර ඊට බොහෝ පිරිසක් සහභාගීවී තිබෙනවා.
පසුව ඇයගේ මවට කොවිඩ් 19 වෛරසය ආසාදනය වී ඇති බවට හදුනාගැනීමත් සමඟ මෙම කාන්තාවටද PCR පරීක්ෂණයක් සිදුකර ඇති අතර එහිදී තහවුරු වී ඇත්තේ ඇයටද කොවිඩ් 19 වෛරසය ආසාදනය වී ඇති බවයි.
අනතුරුව ඇය මුල්ලේරියාව රෝහලට ඇතුළත්ව ප්රතිකාර ලබමින් සිටියදී පෙනහළු ආසාදනයට ලක් වී අසාධ්ය තත්ත්වයට පත්වීම නිසා එක්මෝ ප්රතිකාර දීම සඳහා ඉකුත් 29 වන දින කරාපිටිය රෝහලට මාරුකර යවා තිබෙනවා.
එලෙස එක්මෝ යන්ත්රයට සම්බන්ධ කර ප්රතිකාර ලබමින් සිටියදී දරුවාද කුස තුලම මියයාම හේතුවෙන් ඇය පෙරේදා (08) දිනයේ මළ දරු උපතක් සිදු කර තිබෙනවා.
අනතුරුව ඊයේ (09) දිනයේ ඇයද මියගියා.
මියගිය කාන්තාවගේ දේහය නිරෝධායන නිතීරීති අනුව ඊයේ (09) පස්වරුවේම දඩල්ල ආදාහනාගාරයේදී සිදුකර තිබෙනවා.
ඇයගේ නිවසේ පවත්වන ලද සාදයට සහභාගි වූ 17 දෙනෙකුද කොවිඩ් ආසාදිතයන් බවට මේ වන විට හදුනාගත් බව අතුරලිය සෞඛ්ය වෛද්ය නිලධාරී කාර්යාලය පවසනවා.