නීතිපති දප්පුල ද ලිවේරා මහතා විශ්රාමයෑමෙන් අනතුරුව කැනඩාවේ ශ්රී ලංකා තානාපති ධූරයට පත්කිරීමට ජනාධිපතිවරයා සූදානම්වී තිබුණා.
කෙසේ වෙතත් මේ පිළිබදව තමාට ලැබුණු ඉල්ලීම නීතිපති දප්පුල ද ලිවේරා මහතා ප්රතික්ෂේප කර තිබෙනවා.
නීතිපතිවරයාගේ මාධ්ය ප්රකාශිකා නීතිඥ නිෂාරා ජයරත්න මහත්මිය පැවසුවේ දප්පුල ද ලිවේරා මහතා ජනාධිපතිවරයාට සිය ස්තූතිය පුද කළ බවත් තමා තවදුරටත් ශ්රී ලංකාවේ රැඳී සිටීමට කැමැත්තෙන් පසුවන බවත් දැනුම් දුන් බවයි.
පසුගිය වසරේ කැනඩාවේ මහ කොමසාරිස් ලෙස හිටපු ගුවන් හමුදාපති, ගුවන් ප්රධානී මාෂල් සුමංගල ඩයස් මහතා පත් කළ නමුත් ඔහුගේ පත්වීම ක්රියාත්මක වූයේ නැහැ.
මේ මසදී වයස අවුරුදු 60 සම්පූර්ණ වන ලිවේරා මහතා විශ්රාම යෑමට නියමිතයි.
කෙසේ වෙතත් නීතිපති වැනි තනතුරු සඳහා විශ්රාම යන වයස් සීමාවෙන් ඔබ්බට දීර්ඝ කිරීමට ශ්රී ලංකා ව්යවස්ථාවෙන් ඉඩක් ලැබෙන්නේ නැහැ.
දප්පුල ද ලිවේරා මහතා නීතිපති දෙපාර්තමේන්තුවේ සේවය කළ කාලය තුළ ඔහුගේ අධීක්ෂණය යටතේ නඩු 27,206 ක් පමණ විභාග වී අවසන් වූ බවද නිශාරා ජයරත්න මහත්මිය සඳහන් කරනවා.