ගෘහස්ථ හිංසනයක් සිදු කළ බව කියන සිදුවීමක් සම්බන්ධයෙන් ඕස්ට්‍රේලියානු හිටපු ක්‍රිකට් ක්‍රීඩක මයිකල් ස්ලේටර් අත්අඩංගුවට ගෙන තිබෙනවා.
51 හැවිරිදි ඔහු මේ වන විට ක්‍රිකට් විස්තර විචාරකවරයකු ලෙස කටයුතු කරන අතර පසුගිය බදාදා ඔහුගේ නිවසේ දී අත්අඩංගුවට ගෙන ඇති බවයි සඳහන් වෙන්නේ.
මෙම සිදුවීම පිළිබදව නිව් සවුත් වේල්ස් පොලිසිය වැඩිදුර තොරතුරු හෙළි කර නොමැති අතර ස්ලේටර් ප්‍රසිද්ධියේ දහස් දැක්වීමද ප්‍රතික්ෂේප කර ඇති බවද විදෙස් මාධ්‍ය වාර්තා කරනවා.
වසංගතයට ප්‍රතිචාර දැක්වීමේ දී ඕස්ට්‍රේලියානු අගමැති ස්කොට් මොරිසන්ගේ අතේ ලේ තැවරී ඇතැයි චෝදනා කිරීම නිසාද ස්ටේලර් පසුගිය කාල සීමාවේ ඕස්ට්‍රේලියානු මාධ්‍යවල පුවත් මවන්නෙකු බවට පත්ව සිටියා.
