දිය යට නල මාර්ගයක ගෑස් කාන්දුවක් සිදුවීම හේතුවෙන් මෙක්සිකෝවේ ගල්ෆ් වෙරළට ඔබ්බෙන් වූ සාගරයේ ගින්නක් හටගෙන තිබේ.
ඊයේ මෙක්සිකෝවේ යුකැටන් අර්ධද්වීපයට බටහිර දෙසින් පිහිටි රජයට අයත් තෙල් කැණුම් සංකීර්ණයක සිට මීටර කිහිපයක් දුරින් මුහුදේ මෙම ගින්න හට ගෙන තිබුණි.
මෙක්සිකෝවේ රජය සතු තෙල් සමාගමක් වන පෙමෙක්ස් ලෙස හැඳින්වෙන පෙට්රොලියෝස් මෙක්සිකානෝස් සමාගම පසුව ගින්න නිවා දමා ඇති බව සනාථ කරමින් එහි දිය යට නල මාර්ගයක ඇති වූ ඉරිතැලීමක් යැයි චෝදනා කළේය.
අවම වශයෙන් බෝට්ටු තුනක් ගින්න ඇති වූ රවුම වටා ජලයේ ගිලී තිබුණු බව විදෙස් මාධ්ය වාර්තා කර තිබේ.
ගින්න නිවා දමා පැය පහකට පමණ පසු ගෑස් කාන්දුව පාලනය කර සාමාන්ය මෙහෙයුම් යථා තත්ත්වයට පත් කළ බව පෙමෙක්ස් පැවසීය.
තෙල් සමාගම පැවසුවේ සිද්ධියෙන් කිසිදු හානියක් සිදුවී නොමැති බවත් එහි නිෂ්පාදනයට කිසිදු බලපෑමක් සිදු වී නොමැති බවත්ය.
සිද්ධියට හේතුව විමර්ශනය කරන බව ද සඳහන් කරන ලදී.