ඉන්දියාව, නේපාලය, පාකිස්තානය, බංග්ලාදේශය සහ ශ්රී ලංකාව ඇතුළු කොවිඩ්-19 රතු ලැයිස්තුගත රටවල පුද්ගලයින්ට වැඩ බලපත්ර ලබා දීම බහරේනය දින නියමයක් නොමැතිව අත්හිටුවා ඇති බව වාර්තා වෙයි.
ඉන්දියාව, පාකිස්තානය, ශ්රී ලංකාව, බංග්ලාදේශය සහ නේපාලය යන රටවල පුද්ගලයන්ට බහරේනයේ රැකියා බලපත්ර ලබා ගැනීම අත් හිටුවීම මීට පෙර මැයි 24 වන දා දක්වා ක්රියාත්මක කිරීමට තීරණය වී තිබිණි.
එම ක්රියාවලිය මේ වන විට තව දුරටත් දීර්ඝ කර ඇත්තේ දින නියමයකින් තොරවය.
වැඩිවන කොවිඩ් -19 ආසාදන හා මරණ සංඛ්යාවට ප්රතිචාර වශයෙන් බහරේනය මැයි මස අගදී රතු ලයිස්තුවට අයත් රටවලින් සංචාරකයින් පැමිණීම නවතා දමන ලදී.
රතු ලැයිස්තුවේ සිටින රටවලින් පුරවැසිභාවය ලබා ඇති පුද්ගලයින් බහරේනය තුළ සිටී නම් ඔවුන්ට වැඩ බලපත්ර අයදුම් කිරීමට හෝ අලුත් කිරීමට හැකියාව ඇති බව බලධාරීන් පවසා ඇත.