ෆේස්බුක් සමාගමේත් මෙටා සමාගමේත් සන්නාම භාවිතා කරමින් මේ දිනවල සූක්ෂම වංචාවක් ක්රියාත්මක වන බවට තොරතුරු වාර්තා වනවා.
Disabled Post Notification Page, Terms of use Services and Policiies, Verify page Support Team ආදී නම් වලින් සාදන ලද ෆේස්බුක් පිටු මගින් ඔබගේ පෞද්ගලික ෆේස්බුක් ගිණුම්වලට හෝ බොහෝදුරට ෆේස්බුක් පිටුවලට (Facebook Page) පණිවුඩයක් තබමින් ඔවුන් සදහන් කරන්නේ ඔබගේ ගිණුම හෝ පිටුව අනතුරක ඇති බවයි.
ෆේස්බුක් සමාගමේ නීතිරීති කඩකිරීම හේතුවෙන් මේ වන විටත් ෆේස්බුක් පිටුව ඉවත්කිරීම සඳහා හදුනාගෙන ඇති බැවින් එය නැවත සකස්කර ගැනීම සඳහා පහත ලින්ක් එකට ගොස් අදාළ දත්ත පුරවා දමන ලෙසට ඔවුන් පවසනවා.
එම සබැදියාවන් (Links) ඔබ භාවිතා කර (Click) ඔවුන් ඉල්ලා සිටින දත්ත ලබාදුනහොත් ක්ෂණිකයකින් ඔබගේ ෆේස්බුක් පිටුවේ අයිතිය සම්පූර්ණයෙන්ම ඔවුන් සතු වන අතර යළිත් එය ලබාගැනීමට ඇති හැකියාව අවම මට්ටමක පවතිනවා.
බොහෝ විට මේ Links click කළ පසුව ඔබගේ ගිණුමට ඇතුල් වන ආකාරයේ පෝරමයකින් ඔබගේ ගිණුමේ Passwords ඔවුන් ඉල්ලා සිටිනවා.
බොහෝ විට එය Facebook අඩවියට සමාන නිසා පරිශීලකයන් මේ දත්ත ලබාදීමට කටයුතු කරනවා.
ඉන් අනතුරුව ඔබගේ සම්පූර්ණ ෆේස්බුක් ගිණුම හෝ පිටුව අනතුරට ලක්ව අවසන්.
එබැවින් ෆේස්බුක් සමාගමෙන් ලබාදෙන ඔවුන්ගේ තහවුරු කරන ලද නිල පණිවුඩ (Blue Tick) හැර අන් කිසිදු පණිවුඩයකට ප්රතිචාර දැක්වීමට කටයුතු නොකිරීමට වගබලාගන්න.
ෆේස්බුක් පිටුවක ඔබ ඔවුන්ගේ නීති රීති කඩකර ඇති නම් අදාළ ෆේස්බුක් පිටුවේ Page quality මගින් එය පැහැදිලිවම බලාගැනීමට ෆේස්බුක් සමාගම පහසුකම් සපයා තිබෙනවා.
එබැවින් පහත දැක්වෙන ෆේස්බුක් පිටු මගින් ලැබෙන පණිවුඩ ඔබටත් ලැබුණා නම් කරුණාකර එම පණිවුඩ මකා දැමීමට කටයුතු කරන්න.
