කටුනායක බණ්ඩාරනායක ජාත්යන්තර ගුවන්තොටුපොලේ වීසා නිකුත් කිරීමේ ක්රියාවලියේ සිදුවූ ප්රමාදයන් හේතුවෙන් ඊයේ (01) එම පරිශ්රය තුළ උණුසුම් තත්ත්වයක් හට ගෙන තිබුණා.
මේ හේතුවෙන්, විදේශිකයන් ගුවන්තොටුපළේ පැය ගණනක දිගු පෝළිම්වල රැඳී සිටිමින් දැඩි අපහසුතාවකට මුහුණ දී තිබුණා.
මේ අතර, ගුවන් තොටුපළේ හටගත් මෙම ආන්දෝලනාත්මක තත්වය සඳහා ඉන්දීය සමාගමක් විසින් on-Arival වීසා නිකුත් කිරීමේ ක්රියාවලියේ පාලනය භාර ගැනීම හේතු වී ඇති බවට පුවතක් ඩේලි මිරර් වාර්තා කරනවා.
ආගමන හා විගමන දෙපාර්තමේන්තුව වසර කිහිපයක් පුරාවට නිසි ආකාරයෙන් මෙම වීසා නිකුත් කිරීමේ ක්රියාවලිය පවත්වාගෙන ගොස් තිබුණා.
කෙසේවෙතත්, ඊයේ (01) දිනයේ මෙම වීසා නිකුත් කිරීමේ ක්රියාවලිය පෞද්ගලික සමාගමක් වෙත පවරා දී ඇති බව මේ වන විට අනාවරණය වී තිබෙනවා.
එමෙන්ම, ඊයේ වීසා නිකුත් කිරීමේදී මෙම සමාගම විසින් විදේශිකයින්ගෙන් මින් පෙර අය නොකළ අමතර ඩොලර් 25ක මුදලක්ද අය කර ගැනීමට කටයුතු කර තිබෙනවා.
මේ සම්බන්ධයෙන් ආගමන විගමන දෙපාර්තමේන්තුවේ පාලක ජනරාල් හර්ෂ ඉලුක්පිටිය මහතාගෙන් කළ විමසීමකදී, ඔහු පවසා ඇත්තේ වීසා බලපත්ර නිකුත් කිරීමේ ක්රියාපටිපාටිය අදාළ පෞද්ගලික සමාගමට නිසි ආකාරයෙන් කළමණාකරණය කර ගැනීමට නොහැකි වීම හේතුවෙන් යළි එය පවරා ගැනීමට කටයුතු කළ බවයි.