අනුරාධපුර පුත්තලම මාර්ගයේ මී ඔය පාලම අසල කැලෑවක තිබී මිනිස් හිස් කබලක් සහ අස්ථි කොටස් කිහිපයක් සොයාගෙන ඇති බව කරුවලගස්වැව පොලීසිය පවසනවා.
මී වද කැඩිමට වනයට ගිය පුද්ගලයින් දෙදෙනෙකු හට මෙම අස්ථි කොටස් නිරීක්ෂණය වීමෙන් අනතුරුව ඔවුන් පොලීසිය දැනුවත් කිරීමට පියවර ගෙන තිබුණා.
ඒ අනුව එම ස්ථානයට පොලිස් නිලධාරීන් පැමිණ පරීක්ෂා කිරීමේදී පිලිස්සී ගිය මුදල් පසුම්බියක්, ජංගම දුරකථනයක් ,උල් පිහියක් සොයාගෙන තිබෙනවා .
යාබද ගසක එල්ලෙමින් තිබූ තොණ්ඩුවක් ද පොලිස් නිළධාරීන්ගේ නිරීක්ෂණයට ලක්වී තිබුණා.
මෙය සියදිවි හානි කරගැනීමක් ද මිනී මැරුමක් ද යන වග සෙවීමට කරුවලගස්වැව පොලිසිය විමර්ශන ආරම්භ කර තිබෙනවා.