ඇතැම් වී ගබඩාවල වී ඇටයකුදු නොමැති බවත් දැඩි සහල් හිඟය වළක්වා ගැනීමට නම් මෙක්ට්‍රික් ටොන් 8,000ක ආරක්ෂිත තොගයක් පවත්වා ගෙන යා යුතු බවත් වෙළෙඳ අමාත්‍ය බන්දුල ගුණවර්ධන මහතා පවසනවා.’
මේ වෙනුවෙන් ජාත්‍යන්තර තරඟකාරී මිල කැඳවීමක් සිදුකර ඇති බවත් මේ හරහා සහල් මෙක්ට්‍රික් ටොන් ලක්ෂයක් ආනයනය කිරීමට බලාපොරොත්තු වන බවත් ඒ මහතා පවසනවා. එහිදී, නාඩුවලට සමාන සහල් මෙක්ට්‍රික් ටොන් 50,000ක් හා සම්බාවලට ආදේශ සහල් මෙක්ට්‍රික් ටොන් 50,000කුත් ආනයනය කිරීමට ටෙන්ඩර් කැඳවා ඇති බවයි ඔහු පවසන්නේ.
කෙසේ නමුත්. කෘෂිකර්ම දෙපාර්තමේන්තුව මීට පෙර සිදුකළ පුරෝකථනයන්ට අනුව රටට අවශ්‍ය සහල් තොග එළඹෙන ජනවාරි මාසය දක්වා පැවතිය යුතු නමුත් කෘෂිකර්ම අමාත්‍ය මහින්දානන්ද අළුත්ගමගේ පවසන්නේ මේ වන විට සහල් තොග පවතින්නේ තවත් මාස එකහාමාරක් වැනි කාලයක් සඳහා පමණක් බවයි.
වෙළඳපොළේ සහල් මිල අහස උසට ගමන් කරන අතරතුරේදී පාන් මිලද ඉදිරියේදී රුපියල් 10 කින් පමණ ඉහළ නැංවීමට සිදු විය හැකි බව සමස්ත ලංකා බේකරි හිමියන්ගේ සංගමය පවසනවා.
සෙරන්ඩිබ් සමාගම විසින් පිටි කිලෝවක මිල රුපියල් 18 කින් ඉහළ නැංවීම හේතුවෙන් බේකරි හිමියන් දැඩි අසීරුතාවයට පත්ව සිටින බවත් ඒ හේතුවෙන් මෙම මිල ඉහළ දැමීමේ අවශ්‍යතාව මතුව ඇති බවත් සමස්ත ලංකා බේකරි හිමියන්ගේ සංගම‍යේ සභාපති එන්.කේ ජයවර්ධන මහතා පෙන්වා දෙනවා.
