27 C
Colombo
Saturday, July 13, 2024

සහයිකාව සිපගැනීමේ වගකීම භාර ගෙන බ්‍රිතාන්‍යයේ සෞඛ්‍ය ලේකම් ඉල්ලා අස් වෙයි (වීඩියෝ)

- Advertisement -

බ්‍රිතාන්‍ය රජයේ සෞඛ්‍ය ලේකම් මැට් හැන්කොක්, කොවිඩ්-19 නීති උල්ලංඝනය කිරීම පිළිබඳ ඔහුට එරෙහිව එරට වැසියන්ගෙන් එල්ල වුණු දරුණු විරෝධය හමුවේ ඉල්ලා අස්වී තිබේ.

සෞඛ්‍ය ලේකම්වරයාට ඉල්ලා අස්වීම සඳහා බලකිරීමට හේතුව ලෙස සැලකෙන්නේ සෞඛ්‍ය දෙපාර්තමේන්තුවේ ලන්ඩන් මූලස්ථානයේදී ඔහුගේ ඉහළම සහායිකාව ලෙස සැලකෙන ජිනා කොලඩන්ජෙලෝ සමඟ සිප ගන්නා වීඩියෝවක් නිකුත් වී තිබීමයි.

නීති කඩකළ බව පිළිගත්තද ඔහු මුලින් ඉල්ලා අස්වීම ප්‍රතික්ෂේප කරනු ලැබුවේය.

හැන්කොක්ට එරෙහිව ක්‍රියාමාර්ගයක් නොගැනීම පිළිබඳ අගමැති බොරිස් ජොන්සන් ද විවේචනයට ලක් විය.

මෙම වීඩියෝ පටය මැයි හය වෙනි දා ලබා ගත්තක් බව සැලකේ.

ඒ වන විට බ්‍රිතාන්‍යයේ කොවිඩ්-19 නීති දැඩි ලෙස ක්‍රියාත්මක වුණු අතර සමාජ රැස්වීම් තහනම් විය.

මීටර් දෙකක අවම දුරස්ථභාවය පවත්වා ගන්නා ලෙසත් මුහුණට මුහුණ සම්බන්ධතා වළක්වා ගන්නා ලෙසත් රජය ජනතාවගෙන් ඉල්ලීම් කර තිබිණි.

හැන්කොක් විසින් අගමැතිවරයා වෙත යොමු කරන ලද ලිපියේ “මෙම වසංගතයේදී මෙතරම් කැපකිරීම් කළ පුද්ගලයින්ට මම ණයගැතියි” යනුවෙන් සඳහන් කර තිබේ.

පසුගිය වසරේ නොවැම්බරයේදී සෞඛ්‍ය සහ සමාජ සත්කාර දෙපාර්තමේන්තුවේ නොගෙවූ උපදේශකයකු ලෙස පත් කර ඇති ජිනා ඔහුගේ විශ්වවිද්‍යාල සගයෙකි.

පසුව ඇය සෞඛ්‍ය දෙපාර්තමේන්තුවේ විධායක නොවන අධ්‍යක්ෂවරයකු ලෙස පත් කිරීමට කටයුතු කර ඇති බව සඳහන් වේ.

“සෞඛ්‍ය මග පෙන්වීම් කඩ කිරීම ගැන මගේ සමාව නැවත අවධාරණය කිරීමටත්, මගේ පවුලේ අයගෙන් සහ ආදරණීයයන්ගෙන් සමාව අයැදීමටත් මට අවශ්‍යය. මේ අවස්ථාවේ මගේ දරුවන් සමඟ සිටීමට ද මට අවශ්‍ය වී තිබේ.”යයි ඔහු අගමැතිවරයාට යොමු කළ ලිපියේ සඳහන් වේ.ඉල්ලා අස්වීම පිළිබඳ ප්‍රකාශයක් නිකුත් කරමින් ට්විටර් වීඩියෝවක් නිකුත් කිරීමට ද සෞඛ්‍ය ලේකම්වරයා කටයුතු කර ඇත.

කෙසේවෙතත් ඔහුගේ ලිපිය හෝ ප්‍රකාශයේ ඔහුගේ බිරිඳ මාර්තා ගැන සඳහනක් කර නැත.

RECENT ARTICLES - SINHALA

බන්ධනාගාරගත කළ IPගේ කට කැපීම ගැන වාර්තාවක් ඉල්ලලා

අල්ලස් ලබාගැනීමේ සිද්ධියක් සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කරන ලද කොළඹ අපරාධ කොට්ඨාසයේ පොලිස් පරීක්ෂකවරයෙකුට බන්ධනාගාරය තුළදී පහරදීමේ සිද්ධිය සම්බන්ධයෙන් වාර්තාවක් ඉදිරිපත් කරන...

බන්ධනාගාර රැඳවියන්ට විවෘතව අමුත්තන් බැලීමට අවස්ථාවක්

බන්ධනගාර ගත රැඳවියන්ට විවෘතව අමුත්තන් බැලීම සඳහා විශේෂ අවස්ථාවක් මේ මස 16 වැනිදා ලබා දී තිබෙනවා. වාර්ෂික බන්ධනාගාර දිනය හේතුවෙන් මෙම තීරණය ගත් බව, බන්ධනාගාර...

මහජන ආරක්ෂාව අවිනිශ්චිතයි පොලිසිය කරන්නේ සංදර්ශනයක්

මේ වන විට රට තුළ ආරක්ෂාව අවිනිශ්චිත තත්වයක පවතින බවත් පොලිසිය සිදු කරමින් සිටින්නේ හුදු සංදර්ශනයක් පමණක් බවත් හිටපු ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි...

POPULAR ARTICLES

පෙට්‍රල් – ඩීසල්වලට අලුත් විකල්පයක්

සංවර්ධනය උදෙසා හරිත හයිඩ්‍රජන් තාක්ෂණය ක්‍රියාත්මක කිරීම සඳහා කැබිනට් අනුමැතිය ලැබී තිබෙනවා. හරිත හයිඩ්‍රජන් වල අගය එකතු කළ නිෂ්පාදනයක් වන හරිත ඇමෝනියා, දීර්ඝ ගමනාන්තයන් වෙත...

ගෙවල්වල කුලියට ඉන්න අයටයි දෙන අයටයි අලුත් නීතියක්

1972 අංක 7 දරණ ගෙවල් කුලී පනත පරිච්ඡින්න කිරීම සඳහා පනත් කෙටුම්පතක් සකස් කිරීම පිණිස පසුගිය 2023-09-04 දින පැවැති අමාත්‍ය මණ්ඩල රැස්වීමේදි අනුමැතිය ලබා...

විශ්‍රාම වැටුප් හිමියන්ට දැනුම් දීමක්

ජූලී මාසයේ විශ්‍රාම වැටුප් ගෙවීම සම්බන්ධයෙන් විශ්‍රාම වැටුප් දෙපාර්තමේන්තුවේ අධ්‍යක්ෂ ජනරාල් ජගත් ඩී. ඩයස් මහතා දැනුම් දීමක් සිදු කර තිබෙනවා. ඔහු පවසන්නේ, ජුලි මාසයේ 10...