කොළඹ වරායේ නැගෙනහිර පර්යන්තය සංවර්ධනය සඳහා ඉන්දියාවේ අඩානි සමාගමට 49% ක කොටස් හිමිකාරීත්වය ලබා දීම වෙනුවෙන් ඉදිරිපත් කරන ලද කැබිනට් පත්රිකාවට අනුමැතිය හිමිවූ බව වරාය හා නාවික කටයුතු අමාත්ය රෝහිත අබේගුණවර්ධන මහතා පවසයි.
දෙසැම්බර් 14 පැවති මාධ්ය හමුවක දී අමාත්යවරයා මේ බව පැවසීය.
මෙම මාධ්ය හමුවේ දී වැඩිදුරටත් අදහස් දැක්වූ මෙසේ පැවසීය.
“කැබිනට් පත්රිකාවට අනුමැතිය ලැබිලා තියෙනවා. එය එක පත්රිකාවක් විතරයි ECT පර්යන්තය සම්බන්ධයෙන්. නැගෙනහිර පර්යන්තය පහුගිය රජය ලැහැස්ති වුණා, ජපානය – ඉන්දියාව සමඟ ගිවිසුමක් අත්සන් කරනවා, දින නියමයක් නොමැතිව අවසන් වන, ඉන් ජපානයෙන් ණයක් ලබා ගෙන. ඒ ලබා ගන්න ණය තුළ කොටස් වශයෙන් වෙන් කරගෙන, අපි ණයකුත් අරන්, අපි කොටසුත් දීලා, මේ පර්යන්තය ක්රියාත්මක කරනවා. අපි රජයක් හැටියට තීන්දු කළා, අපි කිසි දවසක ණය ගන්නේ නැහැ.“
“කොළඹ වරායේ මුදල්වලින් 25% ක් අපි ණයවලට දැන් ගෙවන්න ඕනේ. ණය ගෙවන්න තියනෙවා. තව ඩොලර් මිලියන 600-700 ක් අතර අවශ්ය වෙනවා. අපි ආයෝජකයෙකුට එන්න කියලා කියනවා. ඒ ආයෝජකයා තෝරගත්තාට පස්සේ ආයෝජකයා විසින් මේ අවශ්යතාවය ඉටුකරද්දී 51% ක අයිතිය අපිටත් 49% අයිතිය තියා ගෙන අපි මේ නැගෙනහිර පර්යන්තය ක්රියාත්මක කරනවා. මේ සඳහා අපට ඉන්දියාවේ රජය අපට යෝජනා කරලා තියෙනවා, අහවල් ආයෝජකයෙක් ගැන ඔවුන්ගේ රජයේ අවධානය තියෙනවා කියලා. අඩානි, අපි ඒක සඳහන් කරලා තියෙනවා. ඒක ඉන්දියාව තමයි අපට යෝජනා කරලා තියෙන්නේ.“