ශ්රී ලංකා විදේශ සේවා නියුක්ති කාර්යාංශයේ සභාපති කමල් රත්වත්තේ මහතා කොළඹ පෞද්ගලික රෝහලක ප්රතිකාර ගනිමින් සිටියදී ඊයේ (03) අභාවප්රාප්ත වී තිබෙනවා.
මිය යන විට ඒ මහතා 61 වන වියේ පසුවුණා.
වර්තමාන ආණ්ඩුව බලයට පත්වීමෙන් පසුව 2019 වර්ෂයේ දෙසැම්බර් මස විදේශ සේවා නියුක්ති කාර්යාංශයේ සභාපති ධූරයට ඒ මහතා පත්කෙරුණා.
ඊට පෙර ගුවන් තොටුපළ හා ගුවන් සේවා අධිකාරියේ උප සභාපති ධූරය, ජාතික රක්ෂණ සංස්ථාවේ ක්රියාකාරී අධ්යක්ෂක ධූරය සහ රත්නපුර ශ්රී සුමන සමන් දේවාලයේ බස්නායක නිළමේවරයා ලෙසද කමල් රත්වත්තේ මහතා කටයුතු කර තිබෙනවා.
දිවංගත සිරිමාවෝ බණ්ඩාරනායක මැතිණියගේ සොයුරෙකු වූ ක්ලිෆර්ඩ් රත්වත්තේ මහතාගේ පුත්රයෙකු වූ කමල් රත්වත්තේ මහතා ප්රසිද්ධ ව්යාපාරිකයෙක් ලෙස සාර්ථකත්වයට පත්වූ පුද්ගලයෙක්ද වනවා.