30 C
Colombo
Friday, May 20, 2022

ශ්‍රී ලංකාවේ චීන හමුදා කදවුරක් පිහිටුවීමට යන බවට ඇමරිකාවෙන් නිවේදනයක්

- Advertisement -

ඇමරිකානු ආරක්ෂක දෙපාර්තමේන්තුවේ මූලස්ථාන ගොඩනැගිල්ල වන පෙන්ටගනය නිවේදනයක් නිකුත් කරමින් පවසන්නේ ශ්‍රී ලංකාව තුළ හමුදා කදවුරක් පිහිටුවීමට චීනය මේ වන විටත් සළකා බලමින් සිටින බවයි.

පෙන්ටගනය විසින් “චීන මහජන සමූහාණ්ඩුව සම්බන්ධ හමුදා සහ ආරක්ෂක වර්ධනයන්” යන මැයෙන් ඊයේ (03) නිකුත් කළ වාර්තාවේ මේ බව සදහන් වනවා.

එම වාර්තාවෙන් පෙන්වා දෙන්නේ චීනය තම දුරස්ථ යුධ බලය පවත්වාගෙන යාමේ උත්සහය තවදුරටත් පුළුල් කිරීම සඳහා ශ්‍රී ලංකාව ඇතුළු රටවල් 13 ක හමුදා කඳවුරු හෝ සැපයුම් පහසුකම් පිහිටුවීමට සලකා බලමින් සිටින බවයි.

එම වාර්තාවේ සදහන් වන අනෙකුත් රටවල් වන්නේ සිංගප්පූරුව, පකිස්ථානය, මියන්මාරය, එක්සත් අරාබි එමීර් රාජ්‍යය සහ තායිලන්තය ඇතුළු රටවල් කිහිපයකි.

කෙසේ වෙතත් මීට පිළිතුරු දෙමින් මෙරට චීන තානාපති කාර්යාලය “සොරෙකු විශ්වාස කරන්නේ සැවොම සොරකම් කරන බවයි” යනුවෙන් ට්විටර් පණිවුඩයක් නිකුත් කර තිබෙනවා.

චීන තානාපති කාර්යාලය පෙන්වා දෙන්නේ ඇමරිකාව ඇෆ්ගනිස්තානයෙන් සිය හමුදා කඳවුරු සහ හමුදා භට කණ්ඩායම් ඉවත් කර ගත්තද, වෙනත් රටවල්වල හමුදා කඳවුරු 750ක් පමණ පවත්වාගෙන යන බවයි.

එමෙන්ම එම කදවුරු සඳහා ආර්ථික, දේශපාලනික, සමාජීය සහ පාරිසරික යන අංශ වලින් විශාල පිරිවැයක් දරණ බවද තානාපති කාර්යාලය පෙන්වා දෙනවා.

කෙසේ වෙතත් ඇමරිකාවේ නිවේදනය ප්‍රතික්ෂේප කරන කිසිදු ප්‍රකාශයක් එම ට්විටර් පණිවුඩයේ සඳහන් නොවීමද විශේෂත්වයක්.

RECENT ARTICLES - SINHALA

මනූෂට හා හරීන්ට විනය පරීක්ෂණ

අද (20) දිනයේ අමාත්‍ය ධූර භාර ගත් මනූෂ නානායක්කාරට සහ හරීන් ප්‍රනාන්දු යන අයට එරෙහිව විනය ක්‍රියාමාර්ග ගන්නා බව සමගි ජන බලවේගයේ...

ඇමතිවරු 9ක් දිවුරුම් දෙයි – හරීන්, මනූෂටත් ඇමතිකම්

කැබිනට් අමාත්‍යවරු කිහිප දෙනෙකු අද පෙරවරුවේ ජනාධිපති ගෝඨාභය රාජපක්ෂ ඉදිරියේදී දිවුරුම් දුන්නා.ඒ අනුව දිවුරුම්දුන් අමාත්‍යවරුන් පහතින්,* නිමල් සිරිපාල ද සිල්වා - වරාය,...

බේරේ වැව අසලදී පහරකෑ පුද්ගලයෙක් මරුට

පසුගිය මැයි 9වනදා ඇතිවූ සිදුවීමේදී පහරකෑමට ලක්වී ප්‍රතිකාර ලබමින් සිටි පුද්ගලයෙක් මියගොස් තිබෙනවා. මෙලෙස මියගොස් ඇත්තේ කොල්ලුපිටිය පෙරහැර මාවත...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...