අමෙරිකානු කථානායක නැන්සි පෙලෝසිගේ තායිවාන සංචාරයට එරෙහිව චීනය ආරම්භ කර ඇති යුද අභයාසය හේතුවෙන් ජාතයන්තර ගුවන් ගමන්වල ද බාධා එල්ල වී තිබේ.
එහි ප්රථිපලයක් ලෙස ජාතයන්තර ගුවන් සමාගම් කිහිපයක්ම තායිවානයේ තායිපේ වෙත ගුවන් ගමන් සිදු කිරීම තාවකාලිකව අත්හිටුවා ඇතැයි විදෙස් මාධ්ය වාර්තා කරයි.
ඒ අනුව සෝල් නුවර සිට තායිපේ අතර සිකුරාදා සහ සෙනසුරාදා සිදු කිරීමට නියමිතව තිබූ ගුවන් ගමන් සියල්ල අවලංගු කර ඇතැයි දකුණු කොරියානු ගුවන් සමාගම උපුටා දක්වමින් විදෙස් මාධ්ය පවසයි.
ඊට අමතරව සිකුරාදා දිනයට සැලසුම් කර තිබූ සිංග්ප්පූරුව සහ තායිපේ අතර ගුවන් ගමන් කටයුතු ද අවලංගු කර ඇතැයි විදෙස් මාධ්ය පවසයි.
කෙසේවෙතත් ජපාන ගුවන් සමාගම් 2 ක් පැවසුවේ තායිපේ වෙත සිදු කරන ගුවන් ගමන් කටයුතු සාමාන්ය පරිදි සිදුකෙරෙන් බවයි.
සිකුරාදා දිනයේදී තායිපේ වෙත සිදුකිරීමට නියමිත ගුවන් ගමන් තොරතුරු එමිරේට්ස් ගුවන් සමාගම ද සිය වෙබ් අඩවියට ඇතුලත් කර තිබූ බව විදෙස් මාධ්ය වාර්තා කරයි.
කෙසේවෙතත් හොංකොං ගුවන් සමාගමක් පැවසුවේ අවදානම් සහිත තායිවාන ගුවන් කලාපය භාවිතයෙන් තාවකාලිකව වැළකී සිටින බවයි.