දිවුල්වැව ප්රදේශයේ ඉඩමකට අයුතු ලෙස ඇතුළු වී එම ඉඩමේ නිවෙසක කාන්තාවකට පහරදී ඇයගේ දත් දාහතරක් කඩා දැමූ බව කියන පොලිස් කොස්තාපල්වරයකු සැකපිට අත්අඩංගුවට ගෙන ඇති බවට පුවතක් ‘ලංකාදීප’ වාර්තා කරනවා.
කපුගොල්ලෑව පොලිසිය සඳහන් කර ඇත්තේ සැකකරු මහේස්ත්රාත් අධිකරණය හමුවට ඉදිරිපත් කිරීමෙන් පසු මෙම මස 22 වැනිදා දක්වා රිමාන්ඩ් භාරයට පත් කළ බවයි.
අත්අඩංගුවට ගැනුණු සැකකාර පොලිස් කොස්තාපල්වරයා පසුගිය 13 වැනිදා අධිකරණය හමුවට ඉදිරිපත් කරනු ලැබුවා.
මෙසේ රිමාන්ඩ් භාරයට පත් කර ඇත්තේ අනුරාධපුර තිරප්පනේ පොලිසියේ පොලිස් කොස්තාපල්වරයෙක්.
පහර කෑමට ලක්වූ කාන්තාව අනුරාධපුර ශික්ෂණ රෝහලේ නේවාසිකව ප්රතිකාර ලබන අතර ඇයගේ දත් දාහතරක් කට තුළට නෙරා ගොස් ඇති අතර එම දත් නැවත සකස් කිරීමට ශල්යකර්මයක් කළ යුතු බවට දන්ත වෛද්යවරුන් ඇය පරීක්ෂා කර බලා නිර්දේශ කර ඇති බව පොලිස් ආරංචි මාර්ග පවසනවා.
කපුගොල්ලෑව පොලිසිය සඳහන් කර ඇත්තේ අවුරුදු හතළිහක වයසේ පසුවන පහර කෑ කාන්තාවගේ පුත්රයා විසින් කරන ලද පැමිණිල්ලක් අනුව විමර්ශන පවත්වා මෙම පොලිස් කොස්තාපල්වරයා සහ ඔහුගේ සහෝදරයකු සිද්ධිය සම්බන්ධයෙන් සැකපිට අත්අඩංගුවට ගත් බවයි.