පසුගිය 04 වනදා කොළඹ නිදහස් චතුරස්‍රයේ පැවති 73 වන නිදහස් දින උත්සවයට සහභාගි වූ සිවිල් ආරක්ෂක දෙපාර්තමේන්තුවේ භට කණ්ඩායමෙන් 50 දෙනෙකුට කොවිඩ් වෛරසය ආසාදනය වී ඇතැයි එම දෙපාර්තමේන්තුව සඳහන් කරනවා.
නිදහස් උත්සවයට සහභාගිවීමෙන් අනතුරුව එම භට පිරිස් සේරුපිට, ගල්කිරියාගම හා අම්පාර පහළලන්ද කඳවුරුවල නිරෝධායනයට යොමුකර සිටියදී සිදුකරන ලද PCR පරීක්ෂණ මගින් මෙලෙස ආසාදිතයින් ලෙස හඳුනාගෙන තිබෙනවා.
මේ අතර, නිදහස් දින උත්සවයට සහභාගි වූ කතරගම පොලිස් ස්ථානයේ රථවාහන අංශයේ ස්ථානාධිපතිවරයාටත් කොවිඩ් 19 වෛරසය ආසාදනය වී තිබුණා.
නිදහස් උත්සවයට සහභාගිවීමට පෙර සිදුකළ PCR පරීක්ෂණය මගින් ඔහු කොවිඩ් ආසාදිතයෙකු නොවන බව තහවුරු වී තිබූ නමුත් උත්සවයෙන් අනතුරුව කතරගමට පැමිණ සිදුකළ PCR පරීක්ෂණයෙන් ඔහු කොවිඩ් ආසාදිත බවට තහවුරුවී තිබෙනවා.
