පරාක්රම සමුද්රයට ජලය ගලාබසින තෙප්පන් ඇළ ආසන්නයට, අපවිත්ර ජලය බැහැර කළ පොළොන්නරුව සුදු අරලිය හෝටලයේ කළමනාකරුවෙකුට පොළොන්නරුව මහේස්ත්රාත් අධිකරණය විසින් රුපියල් 75,000 ක දඩයක් නියම කර තිබෙනවා.
ඒ අදාළ හෝටලයේ නාන තටාකයේ අපවිත්ර ජලය සහ මාළු ටැංකියේ ජලය භූ ගත නළයක් මාර්ගයෙන් බැහැර කිරීම ඇතුලු චෝදනා 5 ක් යටතේ.
පොළොන්නරුව වනජීවී කාර්යාලයේ නිලධාරීන් විසින් සැකකරු අත්අඩංගුවට ගෙන තිබුණා.
ඊයේ(03) හෝටල් කළමනාකාරවරයා අධිකරණයට ඉදිරිපත් කෙරුණු අවස්ථාවේදියි මෙලෙස දඩ නියම කළ බව සඳහන්.
හෝටලයේ සේවකයින් විසින් දෛනිකව මෙය සිදුකර ඇති බවත්, කළමනාකාරවරයා අධිකරණයේදී සඳහන් කර තිබෙනවා.
මෙම වැව විශේෂයෙන් පොලොන්නරුව නගරයේ විශේෂ වැවක් වන අතර, දෙස්, විදෙස් සංචාරකයන්ගේ ආකර්ෂණය දිනාගත් ස්ථානයක් බවත්, පොලොන්නරුව ජනතාවට පානීය ජලය ලබාගන්න ජල මණ්ඩලය මීටර් 500 ක් ආසන්නව පිහිටා ඇති බවත්, පොලොන්නරුව අභය භූමියේ මෙන්ම යාබද අංගම්මැඩිල්ල උද්යානයේ ජීවත්වන වන සතුන්ට මෙන්ම පානීය ජලය භාවිතයට ගන්නා මහජනතාවට මෙම අපවිත්ර ජලය බලපාන බවද පොලොන්නරුව අඩවි ආරක්ෂක කාර්යාලය සඳහන් කරනවා.