X- Press Pearl නෞකාව මුහුදුබත් වීම තුළින් මෙරට සාගරයට සිදුවූ හානිය වන්දි මුදලක් මගින් තක්සේරු කල නොහැකි යැයි තමන්ගේ විශ්වාසය බව අග්‍රාමාත්‍ය මහින්ද රාජපක්ෂ මහතා පවසනවා.
අදට යෙදෙන ලෝක සමුද්‍ර දිනය වෙනුවෙන් නිවේදනයක් නිකුත් කරමින් ඒ මහතා පෙන්වා දෙන්නේ සාගරයට අපද්‍රව්‍ය එක්වූ පසු ඒවා නිවැරදි කිරීමට ගත හැකි පියවර සීමාසහිත වන නිසා එම බලපෑම මත්ස්‍යයින් ඇතුළු සමුද්‍රීය ජීවීන්ට මෙන්ම මුළු මහත් සමුද්‍රීය පද්ධතියටම බලපාන බවයි.
එම තත්ත්වය දේශගුණික විපර්යාස බලපෑම දක්වා දීර්ඝ ක්‍රියාවලියක් වන බවද අදාළ නිවේදනයේ සඳහන්.
ප්ලාස්ටික් සහ පොලිතින් මේ ආකාරයට සාගරයට එක්වුවහොත් එමගින් ඇතිවන බලපෑම නූපන් පරපුර දක්වා යනු ඇති බවත් මේ පිළිබදව රජය අවධානය යොමුකර මේ වසරේදී ඝන අපද්‍රව්‍ය කළමණාකරණය කරමින් විදුලිය නිපදවීමේ ව්‍යාපෘතියක් සඳහා මූලාරම්භය ගෙන තිබෙන බවත් නිවේදනයේ වැඩිදුරටත් සඳහන් වනවා.
