රඹුක්කන විරෝධතාකරුවන් හට පොලිසියෙන් වෙඩි තබා තිබෙන පසුබිමක පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා ජනමාධ්‍ය මඟ හරිමින් සිටින බවට මාධ්‍ය ආයතන රැසකින් පැමිණිලි ඉදිරිපත්ව තිබෙනවා.
මෙම සිදුවීමට පෙරද විවිධ විරෝධතා හා උද්ඝෝෂණය සම්බන්ධයෙන් ඇතිවූ සිදුවීම්වලදී මාධ්‍යවේදීන්ට පිළිතුරු දෙනවා වෙනුවට ඒ මහතා සිදුවීම පිළිබදව වීඩියෝ පට පටිගත කර මාධ්‍ය වෙත ලබාදීමට කටයුතු කරනවා.
එහිදී මාධ්‍යවේදීන්ට සිදුවීම පිළිබඳව පැහැදිලි කරගැනීමට කිසිදු අවස්ථාවක් හිමිවන්නේ නැහැ.
බොහෝවිට ඔහුගේ ජංගම දුරකතනය පොලිස් මාධ්‍ය අංශයේ ස්ථාවර දුරකථනයට යොමුකර නිහාල් තල්දූව මහතා මාධ්‍ය මඟහරිමින් සිටිනවා.
මාධ්‍යවේදීන් පවසන්නේ පොලිස් මාධ්‍ය ප්‍රකාශක ලෙස තනතුරක් ඇතිකර ජනතා මුදලින් නිහාල් තල්දූව මහතාට වැටුප් ගෙවන්නේ තමන්ට අදාළ රාජකාරිය වන මාධ්‍යවේදීන්ට පිළිතුරු දීමට බව පොලිස්පතිවරයා හෝ ඔහුට මතක් කර දෙන්නේ නම් ජනතා මුදල් නාස්ති නොවන බවයි.
