දිවයිනටම එක ගුරුවරයෙකු ප්‍රමාණවත් බවක් තමන් ප්‍රකාශ නොකළ බව රාජ්‍ය අමාත්‍ය දිලුම් අමුණුගම මහතා පවසනවා.
තමන් පැවසුවේ එක ශ්‍රේණියකට එක විශයක් සඳහා එක් ගුරුවරයෙකු සිටීම ප්‍රමාණවත් බවත් සූම් තාක්ෂණය ඔස්සේ එසේ සිදු කළ හැකි බවත් දිලුම් අමුණුගම මහතා පවසනවා.
රාජ්‍ය අමාත්‍යවරයා මේ බව ප්‍රකාශ කර සිටියේ ඊයේ (15) දින මාධ්‍ය වෙත ප්‍රකාශයක් සිදු කරමින්.
තමන්ගේ ප්‍රකාශයෙන් කොටසක් පමණක් මාධ්‍ය හරහා ප්‍රචාරය වීම හේතුවෙන් මෙසේ වැරදි වැටහීමක් ඇතිව ඇති බවයි රාජ්‍ය අමාත්‍යවරයා පවසන්නේ.
කෙසේ නමුත්, තාක්ෂණික බාධාවන් හේතුවෙන් එය ප්‍රායෝගිකව සිදුකළ නොහැක්කක් බවත් රාජ්‍ය අමාත්‍යවරයා පවසනවා.
එමෙන්ම, බස් සංගම් පවා තමන් පවසන දෑ නිවැරදිව වටහාගන්නා පසුමබිමක ගුරු සංගම් තමන්ගේ ප්‍රකාශ සම්බන්ධයෙන් වැරදි වැටහීමක සිටින බවයි ඔහු වැඩිදුරටත් පවසන්නේ.
