විදේශිකයන්ව ස්පර්ෂ කිරීමෙන් වැළකී සිටින ලෙසට චීන සෞඛ්ය නිලධාරීන් එරට ජනතාවට දැනුම් දී තිබෙනවා.
පළමු වරට වඳුරු උණ ආසාදිතයෙක් වාර්තා වීමෙන් දිනකට පසුව චීනයේ ඉහළ පෙළ සෞඛ්ය නිලධාරියෙක් විසින් මෙලෙස එරට ජනතාවට අනතුරු ඇඟවීමක් කර තිබෙනවා.
චීනයේ රෝග පාලනය සහ වැළැක්වීමේ මධ්යස්ථානයේ ප්රධාන වසංගත රෝග විද්යාඥ Wu Zunyou, සෙනසුරාදා Weibo සමාජ මාධ්ය වේදිකාවේ අදහස් පළ කරමින් කියා සිටියේ, එරටේ Covid-19 සීමා කිරීම් සහ පාලනයන් මේ වන විට වඳුරු රෝගය පැතිරීම වළක්වා ඇති බවයි.
පසුගිය දා චොංකිං හි නිරිතදිග මහ නගර සභා සීමාවෙන් වඳුරු උණ ආසාදනය වූ අයෙක් වාර්තා වූ අතර, එම පුද්ගලයා විදේශිකයෙක් හෝ චීන ජාතිකයෙක් දැයි ඔවුන් ප්රකාශ කර නොමැත.
උණ වැනි රෝග ලක්ෂණ සහ බිබිලි වැනි තුවාල ඇති කරන වඳුරු උණ වසංගතය, මැයි මාසයේ දී ලොව පුරා මතුවීමට පටන් ගත් අතර එක්සත් ජනපදයේ රෝග පාලනය සහ වැළැක්වීමේ මධ්යස්ථානවලට අනුව මේ වසරේ මේ දක්වා රෝගීන් 23,500 ක් වාර්තා වී තිබෙනවා.