උසස් පෙළ උත්තර පත්‍ර පරික්ෂා කිරීමට නොහැකි බව පවසන සියළු විශ්ව විද්‍යාල ආචාර්යවරුන් සේවයෙන් ඉවත් කරන මෙන් රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්ෂාන් බෙල්ලන මහතා පවසනවා.
ඔහු මේ බව කියා සිටියේ කොළඹ පැවැති මාධ්‍ය හමුවකට එක්වෙමින්.
1983 කළු ජුලිය සමයේ වර්ජනය කළ සියළු දෙනාම සේවයෙන් ඉවත් කළා මෙන් මෙම පිරිසද සේවයෙන් ඉවත් කරන ලෙසයි ඒ මහතා ඉල්ලා සිටින්නේ.
එම සංගමයේ සභාපතිවරයා සඳහන් කරන්නේ ඔවුන් වෙනුවට සුදුසුකම් ඇති වෙනත් පිරිසක් බඳවා ගැනීමට හැකියාව බවයි.
යම් හෙයකින් රජය උත්තර පත්‍ර පරික්ෂා කරන ලෙස වෛද්‍යවරුන්ගෙන් ඉල්ලීමක් කළහොත් ඔවුන් ඒ සඳහා එක්වන බවද ඒ මහතා පවසනවා.
විශ්ව විද්‍යාල ආචාර්යවරුන් ආණ්ඩු මාරු කිරීමට කොන්ත්‍රාත් ලබා ගන්නා පිරිසක් බවත් ඔවුන් ඉල්ලීම් කළ පමණින් ජනාධිපතිවරයා හමුවන්නේ කුමකට බවත් ඔහු ප්‍රශ්ණ කර තිබෙනවා.
