30 C
Colombo
Saturday, July 2, 2022

වරාය සටන ශ්‍රේෂ්ඨාධිකරණයට?

- Advertisement -

කොළඹ වරායේ නැගෙනහිර පර්යන්තය අන්සතු කිරීමට එරෙහිව අධිකරණ ක්‍රියාමාර්ග ගැනීමට වරාය වෘත්තිය සමිති අතර සාකච්ඡාවක් ආරම්භ වී තිබේ.


නැගෙනහිර පර්යන්තයේ විශාල කොටසක් ඉන්දියාවේ අදානි සමාගමට පැවරීමට ආණ්ඩුව ගත් තීරණය වෙනස් නොමැති බවට ජනාධිපතිවරයා හා කැබිනට් කමිටුව අතර සාකච්ඡාවලදී පෙනීයාමෙන් පසු මෙම සාකච්ඡාව ආරම්භ වී යැයි වෘත්තිය සමිති නායකයෙක් ‘නිව්ස් 19’ ට පැවැසීය.


ජනාධිපතිවරයා හා වෘත්තිය සමිති නායකයන් අතර පැවැති සාකච්ඡා අසාර්ථකවීමෙන් පසුව කැබිනට් කමිටුව හා නැවත සාකච්ඡාවක් ඊයේ(17) පෙරවරුවේ පැවැත් වූ නමුත් ඊට කමිටු සාමාජිකයන් හය දෙනාගෙන් දෙදෙනකුම සහභාගී වී නැත.


වරාය අධිකාරියේ සභාපති විශ්‍රාමික ජෙනරාල් දයා රත්නායක හා වරාය අමාත්‍යාංශ ලේකම් යූ.ඩී.සී ජයලාල් යන මහත්වරුන් පමණක් මෙම සාකච්ඡාවට සහභාගී වූ අතර එම සාකච්ඡාව ද අසාර්ථක වූ බව වෘත්තිය සමිති නායකයෝ පැවැසූහ.


පර්යන්තයෙන් 49% ක් අදානි සමාගමට පැවරීමට ආණ්ඩුව දැඩි ස්ථාවරයක සිටින්නේ යැයි ද වෘත්තිය සමිති සිටින්නේ පර්යන්තය සම්පූර්ණයෙන්ම වරාය අධිකාරිය සතු විය යුතුය යන ස්ථාවරයේ යැයි ද ආණ්ඩුව නියෝජනය කරන වෘත්තිය සමිතියක් වන ශ්‍රී ලංකා නිදහස් සේවක සංගමයේ සභාපති ප්‍රසන්න කලුතරගේ මහතා සාකච්ඡා අවසන්වීමෙන් පසුව මාධ්‍යට පැවැසීය.


වාණිජ කර්මාන්ත හා සේවා ප්‍රගතිශීලී සංගමයේ සභාපති සංජය කුමාර වැලිගම මහතා පැවැසුවේ ඉන්දියාවේ වැඩිවන බහලුම් ප්‍රමාණය අනුව කිසි අවස්ථාවක ඉන්දියාවට ලංකාව මගහැර යා නොහැකිව තිබියදී විෂය භාර ඇමැති රෝහිත අබේගුණවර්ධන සාවද්‍ය කරුණු ඇතුලත් කැබිනට් පත්‍රිකාවක් ඉදිරිපත් කර අදානි සමාගමට වරායේ කොටසක් පැවැරීමට යෝජනා කිරීම බරපතල කරුණක් බවයි.


මෙම තත්ත්වය මත ආණ්ඩුවේ අභිලාශය පැහැදිලි බැවින් තවදුරටත් සාකච්ඡා කිරීම පල රහිත ක්‍රියාවක් සේ පෙනීයන්නේ යැයි ද ඒ අනුව අධිකරණ ක්‍රියාමාර්ග ගැනීම සඳහා සාකච්ඡාවක් ආරම්භ කළේ යැයි ද එම වෘත්තිය සමිති නායකයා ‘නිව්ස් 19’ ට පැවැසීය.

RECENT ARTICLES - SINHALA

දොම්පේ නිවසකින් ඩීසල් ලීටර් 950 ක් මතුවෙයි

බලපත්‍ර නීති උල්ලංඝණය කරමින් දොම්පේ ප්‍රදේශයේ නිවසක ගබඩා කර තිබූ ඩීසල් ලීටර් 950 ක් සමග පුද්ගලයකු අත්අඩංගුවට ගෙන තිබෙනවා.

ලංකා IOC අද (02) තෙල් බෙදන පිරවුම්හල් මෙන්න

ලංකා IOC ත්‍රිකුණාමලය පර්යන්තයෙන් පහත ඇණවුම් ඊයේ (01) පිටත් කර යැවූ බව එම සමාගම නිවේදනය කරනවා. ඒ අනුව අද...

හමුදාව ගාල්ලේ නැටූ නාඩගමට එරෙහිව මූලික අයිතිවාසිකම් පෙත්සමක්

ගාලු කොටුව මත ජනාධිපතිවරයාට එරෙහිව විරෝධතාවයක නිරත පිරිසකගේ විරෝධතා පුවරු ඉවත් කිරීමට යුද හමුදා නිලධාරීන් ගත් පියවරට එරෙහිව ශ්‍රේෂ්ඨාධිකරණයට මූලික අයිතිවාසිකම් පෙත්සමක්...

RECENT ARTICLES - ENGLISH

22 train journeys scheduled for today cancelled

0
A total of 22 train journeys scheduled for today (July 01) were cancelled due to the lack of staff members, Sri Lanka...

 Nandalal re-appointed CBSL Governor for 6-year term

0
Dr. Nandalal Weerasinghe has been re-appointed as Governor of the Central Bank of Sri Lanka (CBSL) for another term of six years...

Urea fertilizer for all rice farmers

0
The Ministry of Agriculture has decided to provide Urea fertilizer to all the farmers who cultivated paddy this year.