මහා ශිව රාත්‍රී දිනයට සමගාමීව හින්දු ආගමික හා සංස්කෘතික කටයුතු දෙපාර්තමේන්තුව විසින් සම්පූර්ණයෙන් සංස්කරණය කරන ලද හින්දු විශ්වකෝෂය අග්‍රාමාත්‍ය මහින්ද රාජපක්ෂගේ ප්‍රධානත්වයෙන් එළිදක්වනු ලැබුවා.
ඒ අනුව, හින්දු විශ්වකෝෂයේ 12 වන වෙළුමේ සංස්කරණ ඇතුළත් නවතම මුද්‍රණය අග්‍රාමාත්‍යවරයාගේ සුරතින් ඊයේ අරලියගහ මන්දිරයේදී පළමුව හින්දු පූජකවරුන්ට ප්‍රදානය කළ බවයි අග්‍රාමාත්‍ය කාර්යාලය නිවේදනය කරන්නේ.
1988 වසරේදී ආරම්භ කළ හින්දු විශ්වකෝෂය නිර්මාණය කිරීම 2014 දී වෙළුම් 12 සම්පූර්ණ කර තිබෙනවා.
එසේම, තෝරා ගත් හින්දු කෝවිල් 50 කට රුපියල් 50,000 බැගින් මූල්‍යාධාර ප්‍රදානය කිරීමේ සමාරම්භය ද මීට සමගාමීව සිදුකළ බවයි අග්‍රාමාත්‍ය කාර්යාලය වැඩිදුරටත් නිවේදනය කරන්නේ.
